Works and Days

Hesiod

Hesiod, creator; Homer, creator; Evelyn-White, Hugh G. (Hugh Gerard), d. 1924, translator; Evelyn-White, Hugh G. (Hugh Gerard), d. 1924, editor

  1. νείκεʼ ὀπιπεύοντʼ ἀγορῆς ἐπακουὸν ἐόντα.
  2. ὤρη γάρ τʼ ὀλίγη πέλεται νεικέων τʼ ἀγορέων τε,
  3. ᾧτινι μὴ βίος ἔνδον ἐπηετανὸς κατάκειται
  4. ὡραῖος, τὸν γαῖα φέρει, Δημήτερος ἀκτήν.
  5. τοῦ κε κορεσσάμενος νείκεα καὶ δῆριν ὀφέλλοις
  6. κτήμασʼ ἐπʼ ἀλλοτρίοις· σοὶ δʼ οὐκέτι δεύτερον ἔσται
  7. ὧδʼ ἔρδειν· ἀλλʼ αὖθι διακρινώμεθα νεῖκος
  8. ἰθείῃσι δίκῃς, αἵ τʼ ἐκ Διός εἰσιν ἄρισται.
  9. ἤδη μὲν γὰρ κλῆρον ἐδασσάμεθʼ, ἀλλὰ τὰ πολλὰ
  10. ἁρπάζων ἐφόρεις μέγα κυδαίνων βασιλῆας
  11. δωροφάγους, οἳ τήνδε δίκην ἐθέλουσι δίκασσαι.