Wealth

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. ἀλλὰ σκοροδίοις ὑπὸ τρυφῆς ἑκάστοτε.
  2. καὶ νῦν ὁ δεσπότης μὲν ἔνδον βουθυτεῖ
  3. ὗν καὶ τράγον καὶ κριὸν ἐστεφανωμένος·
  4. ἐμὲ δʼ ἐξέπεμψεν ὁ καπνός. οὐχ οἷός τε γὰρ
  5. ἔνδον μένειν ἦν. ἔδακνε γὰρ τὰ βλέφαρά μου.
Δίκαιος
  1. ἕπου μετʼ ἐμοῦ παιδάριον, ἵνα πρὸς τὸν θεὸν
  2. ἴωμεν.
Καρίων
  1. ἔα τίς ἔσθʼ ὁ προσιὼν οὑτοσί;
Δίκαιος
  1. ἀνὴρ πρότερον μὲν ἄθλιος, νῦν δʼ εὐτυχής.
Καρίων
  1. δῆλον ὅτι τῶν χρηστῶν τις, ὡς ἔοικας, εἶ.
Δίκαιος
  1. μάλιστʼ.
Καρίων
  1. ἔπειτα τοῦ δέει;
Δίκαιος
  1. πρὸς τὸν θεὸν
  2. ἥκω· μεγάλων γάρ μοὐστὶν ἀγαθῶν αἴτιος.
  3. ἐγὼ γὰρ ἱκανὴν οὐσίαν παρὰ τοῦ πατρὸς
  4. λαβὼν ἐπήρκουν τοῖς δεομένοις τῶν φίλων,
  5. εἶναι νομίζων χρήσιμον πρὸς τὸν βίον.
Καρίων
  1. ἦ πού σε ταχέως ἐπέλιπεν τὰ χρήματα.
Δίκαιος
  1. κομιδῇ μὲν οὖν.
Καρίων
  1. οὐκοῦν μετὰ ταῦτʼ ἦσθʼ ἄθλιος.