Birds

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. παλαιὸς ἐν ταῖς τῶν πελαργῶν κύρβεσιν·
  2. ἐπὴν ὁ πατὴρ ὁ πελαργὸς ἐκπετησίμους
  3. πάντας ποιήσῃ τοὺς πελαργιδέας τρέφων,
  4. δεῖ τοὺς νεοττοὺς τὸν πατέρα πάλιν τρέφειν.
Πατραλοίας
  1. ἀπέλαυσά τἄρα νὴ Δίʼ ἐλθὼν ἐνθαδί,
  2. εἴπερ γέ μοι καὶ τὸν πατέρα βοσκητέον.
Πισθέταιρος
  1. οὐδέν γʼ. ἐπειδήπερ γὰρ ἦλθες ὦ μέλε
  2. εὔνους, πτερώσω σʼ ὥσπερ ὄρνιν ὀρφανόν.
  3. σοὶ δʼ ὦ νεανίσκʼ οὐ κακῶς ὑποθήσομαι,
  4. ἀλλʼ οἷάπερ αὐτὸς ἔμαθον ὅτε παῖς ἦ. σὺ γὰρ
  5. τὸν μὲν πατέρα μὴ τύπτε· ταυτηνδὶ λαβὼν
  6. τὴν πτέρυγα καὶ τουτὶ τὸ πλῆκτρον θἀτέρᾳ,
  7. νομίσας ἀλεκτρυόνος ἔχειν τονδὶ λόφον,
  8. φρούρει στρατεύου μισθοφορῶν σαυτὸν τρέφε,
  9. τὸν πατέρ ἔα ζῆν· ἀλλʼ ἐπειδὴ μάχιμος εἶ,
  10. ἐς τἀπὶ Θρᾴκης ἀποπέτου κἀκεῖ μάχου.
Πατραλοίας
  1. νὴ τὸν Διόνυσον εὖ γέ μοι δοκεῖς λέγειν,
  2. καὶ πείσομαί σοι.
Πισθέταιρος
  1. νοῦν ἄρʼ ἔξεις νὴ Δία.
Κινησίας
  1. ἀναπέτομαι δὴ πρὸς Ὄλυμπον πτερύγεσσι κούφαις·