Clouds
Aristophanes
Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.
- ἐγὼ γὰρ αὐτίκʼ ἀποκρινοῦμαί σοι σαφῶς.
- τί σοι δοκεῖ δράσειν;
- ἀποδώσειν μοι δοκεῖ.
- ποῦ ʼσθʼ οὗτος ἁπαιτῶν με τἀργύριον; λέγε
- τουτὶ τί ἔστι;
- τοῦθʼ ὅ τι ἐστί; κάρδοπος.
- ἔπειτʼ ἀπαιτεῖς τἀργύριον τοιοῦτος ὤν;
- οὐκ ἂν ἀποδοίην οὐδʼ ἂν ὀβολὸν οὐδενί,
- ὅστις καλέσειε κάρδοπον τὴν καρδόπην.
- οὐκ ἄρʼ ἀποδώσεις;
- οὐχ ὅσον γέ μʼ εἰδέναι.
- οὔκουν ἀνύσας τι θᾶττον ἀπολιταργιεῖς
- ἀπὸ τῆς θύρας;
- ἄπειμι, καὶ τοῦτʼ ἴσθʼ ὅτι
- θήσω πρυτανεῖʼ ἢ μηκέτι ζῴην ἐγώ.
- καὶ προσαπολεῖς ἄρʼ αὐτὰ πρὸς ταῖς δώδεκα.
- καίτοι σε τοῦτό γʼ οὐχὶ βούλομαι παθεῖν,
- ὁτιὴ ʼκάλεσας εὐηθικῶς τὴν κάρδοπον.
- ἰώ μοί μοι.
- ἔα.