Knights

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. παρʼ ἐμοῦ δὲ τουτονὶ λαβὼν ταμίευέ μοι.
Κλέων
  1. μὴ δῆτά πώ γʼ ὦ δέσποτʼ, ἀντιβολῶ σʼ ἐγώ,
  2. πρὶν ἄν γε τῶν χρησμῶν ἀκούσῃς τῶν ἐμῶν.
Ἀλλαντοπώλης
  1. καὶ τῶν ἐμῶν νυν.
Κλέων
  1. ἀλλʼ ἐὰν τούτῳ πίθῃ,
  2. μολγὸν γενέσθαι δεῖ σε.
Ἀλλαντοπώλης
  1. κἄν γε τουτῳί,
  2. ψωλὸν γενέσθαι δεῖ σε μέχρι τοῦ μυρρίνου.
Κλέων
  1. ἀλλʼ οἵ γʼ ἐμοὶ λέγουσιν ὡς ἄρξαι σε δεῖ
  2. χώρας ἁπάσης ἐστεφανωμένον ῥόδοις.
Ἀλλαντοπώλης
  1. οὑμοὶ δέ γʼ αὖ λέγουσιν ὡς ἁλουργίδα
  2. ἔχων κατάπαστον καὶ στεφάνην ἐφʼ ἅρματος
  3. χρυσοῦ διώξει Σμικύθην καὶ κύριον.
Χορός
  1. καὶ μὴν ἔνεγκʼ αὐτοὺς ἰών, ἵνʼ οὑτοσὶ
  2. αὐτῶν ἀκούσῃ.
Δῆμος
  1. πάνυ γε. καὶ σύ νυν φέρε.
Κλέων
  1. ἰδού.
Ἀλλαντοπώλης
  1. ἰδοὺ νὴ τὸν Δίʼ· οὐδὲν κωλύει.
Χορός
  1. ἥδιστον φάος ἡμέρας
  2. ἔσται τοῖσι παροῦσι καὶ