In Flaccum

ἤδη δὲ καὶ τοὺς πεσόντας ἐν τῷ πολέμῳ τῶν ἐχθρῶν ταφῆς ἀξιοῦσιν οἱ μὲν ἐπιεικεῖς καὶ φιλάνθρωποι ταῖς οἴκοθεν δαπάναις, οἱ δὲ τὴν ἔχθραν καὶ πρὸς νεκροὺς ἀποτείνοντες ὑπόσπονδα τὰ σώματα διδόντες ὑπὲρ τοῦ μὴ τῆς τελευταίας χάριτος ἀμοιρῆσαι τῶν νομιζομένων.

ἐν πολέμῳ μὲν οἱ δυσμενεῖς ταῦτα· ἐν εἰρήνῃ δ’ οἱ πρὸ μικροῦ φίλοι θεασώμεθα ὁποῖα. μετὰ γὰρ τὰς ἁρπαγὰς καὶ τοὺς ἀνοικισμοὺς καὶ τὰς ἐκ τῶν πλείστων μερῶν τῆς πόλεως βιαίους ἐλάσεις καθάπερ τειχήρεις ἐν κύκλῳ περικαθημένων ἐχθρῶν γεγονότες, ἀπορίᾳ καὶ σπάνει δεινῇ τῶν ἀναγκαίων πιεζόμενοι καὶ γύναια καὶ τέκνα νήπια ὁρῶντες ἐν ὀφθαλμοῖς παραπολλύμενα λιμῷ χειροποιήτῳ —

πάντα γὰρ τἄλλα εὐθηνίας καὶ εὐετηρίας μεστὰ ἦν, τοῦ μὲν ποταμοῦ ταῖς πλημμύραις τὰς ἀρούρας πλουσίως λιμνάσαντος, τῆς δὲ πεδιάδος, ὅση πυροφόρος, ἀφθονώτατον ὑπ’ εὐγονίας τὸν τοῦ σίτου καρπὸν ἀναγούσης [*](1 μὴ δεδυνῆσθαι Α (Mang.): σεσυλῆσθαι ceteri (Turn.) 4 συγκρινομένοις Η μὲν ante γὰρ add. M 5 ἐλάττων Α 6 ὑπερβολὰς ὑπερβολὰς #x003E; Cohn 7 ἐνδεδέχθαι Turn. (v): ἐνδεδεῖχθαι MAH. ἐνδεδῆχθαι G χρώμενον M 7. 8 ὀνόμασι M 9 πολέμω πολέμων L) oodd. (mavult Mang.): πολεμίων v 11 ἡμερότατα Η δόξη M 12 κινδυνεύσαντες αὖ coui. εἶπερ G: ἄν A, om. MH; εἰ v 14 φίλοι (alt. ι corr. ex ὒ) M δοριαλώτων ι corr. in ὒ) Η 17 τῷ om. Η 18 τοὺς ante νεκροὺς add. Η (v) 21 δὲ G θεασώμεθ’ Α 22 ἀνοικισμοὺς MGH (Turn.): ἐξοικισμοὺς Α (Mang.) 23 βιαίας Η (v) περικαθημένων ἐν κύκλω transp. Α 24 πιεζόμενοι GAH: Βιαζόμενοι M 25 ἐν ὀφθαλμοῖς ὁρῶντες transp. Α 26 τἆλλ᾿ M μέν om. Α 27 τῖς πλημμύραις om. Α πλουσίως] πλησμίως G 28 ὑπ’ εὐγονίας Mang. (Dahl): ὑπὲρ γωνίας MG, ὑπὲρ γονίας H, om. A; ὑπεργονίας v, ὑπ’ ἐργασίας coni. WendL τοῦ σίτου om. Α ἀγούσης GA)

μηκέτι στέγειν δυνάμενοι τὰς ἐνδείας, οἱ μὲν ἐπὶ συγγενῶν καὶ φίλων, πρότερον οὐκ εἰωθότες, οἰκίας ἦλθον ἔρανον αὐτὰ τὰ ἀναγκαῖα αἰτήσοντες, οἱ δ’ ἀπὸ φρονήματος εὐγενοῦς τὴν μεταιτῶν τύχην ὡς δουλοπρεπῆ καὶ ἀνελεύθερον ἐκτρεπόμενοι προῆλθον εἰς ἀγορὰν οὐδενὸς ἑτέρου χάριν ἢ τοῦ πρίασθαι τοῖς τε οἰκείοις καὶ ἑαυτοῖς τροφάς, οἱ δυστυχεῖς.