Hymn 4 to Hermes

Homeric Hymns

Hymni Homerici, creator; Hesiod, creator; Homer, creator; Evelyn-White, Hugh G. (Hugh Gerard), d. 1924, editor; Evelyn-White, Hugh G. (Hugh Gerard), d. 1924, translator

  1. ἴχνια μὲν τάδε γʼ ἐστὶ βοῶν ὀρθοκραιράων,
  2. ἀλλὰ πάλιν τέτραπται ἐς ἀσφοδελὸν λειμῶνα·
  3. βήματα δʼ οὔτʼ ἀνδρὸς τάδε γίγνεται οὔτε γυναικὸς
  4. οὔτε λύκων πολιῶν οὔτʼ ἄρκτων οὔτε λεόντων·
  5. οὔτε τι Κενταύρου λασιαύχενος ἔλπομαι εἶναι,
  6. ὅς τις τοῖα πέλωρα βιβᾷ ποσὶ καρπαλίμοισιν·
  7. αἰνὰ μὲν ἔνθεν ὁδοῖο, τὰ δʼ αἰνότερʼ ἔνθεν ὁδοῖο.
  8. ὣς εἰπὼν ἤιξεν ἄναξ Διὸς υἱὸς Ἀπόλλων·
  9. Κυλλήνης δʼ ἀφίκανεν ὄρος καταείμενον ὕλῃ,
  10. πέτρης ἐς κευθμῶνα βαθύσκιον, ἔνθα τε νύμφη
  11. ἀμβροσίη ἐλόχευσε Διὸς παῖδα Κρονίωνος.
  12. ὀδμὴ δʼ ἱμερόεσσα διʼ οὔρεος ἠγαθέοιο
  13. κίδνατο, πολλὰ δὲ μῆλα ταναύποδα βόσκετο ποίην.
  14. ἔνθα τότε σπεύδων κατεβήσατο λάινον οὐδὸν
  15. ἄντρον ἐς ἠερόεν ἑκατηβόλος αὐτὸς Ἀπόλλων.
  16. Τὸν δʼ ὡς οὖν ἐνόησε Διὸς καὶ Μαιάδος υἱὸς
  17. χωόμενον περὶ βουσὶν ἑκηβόλον Ἀπόλλωνα,
  18. σπάργανʼ ἔσω κατέδυνε θυήεντʼ· ἠύτε πολλὴν
  19. πρέμνων ἀνθρακιὴν ὕλης σποδὸς ἀμφικαλύπτει,
  20. ὣς Ἑρμῆς Ἑκάεργον ἰδὼν ἀνέειλεν ἑαυτόν.