Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. κεῖτο πολὺς καὶ χαλκός, ἀέθλια τοῖο ἄνακτος.
  2. ἡ δʼ ὅτε δὴ μνηστῆρας ἀφίκετο δῖα γυναικῶν,
  3. στῆ ῥα παρὰ σταθμὸν τέγεος πύκα ποιητοῖο,
  4. ἄντα παρειάων σχομένη λιπαρὰ κρήδεμνα.
  5. ἀμφίπολος δʼ ἄρα οἱ κεδνὴ ἑκάτερθε παρέστη.
  6. αὐτίκα δὲ μνηστῆρσι μετηύδα καὶ φάτο μῦθον·
  7. κέκλυτέ μευ, μνηστῆρες ἀγήνορες, οἳ τόδε δῶμα
  8. ἐχράετʼ ἐσθιέμεν καὶ πινέμεν ἐμμενὲς αἰεὶ
  9. ἀνδρὸς ἀποιχομένοιο πολὺν χρόνον· οὐδέ τινʼ ἄλλην
  10. μύθου ποιήσασθαι ἐπισχεσίην ἐδύνασθε,
  11. ἀλλʼ ἐμὲ ἱέμενοι γῆμαι θέσθαι τε γυναῖκα.