Ajax

Sophocles

Sophocles, Volume 2. Storr, Francis, editor. London; New York: William Heinemann Ltd.; The Macmillan Company, 1913.

  1. βλαστὼν ἂν αἰσχύνοιμι τοὺς πρὸς αἵματος,
  2. οὓς νῦν σὺ τοιοῖσδʼ ἐν πόνοισι κειμένους
  3. ὠθεῖς ἀθάπτους, οὐδʼ ἐπαισχύνει λέγων;
  4. εὖ νυν τόδʼ ἴσθι, τοῦτον εἰ βαλεῖτέ που,
  5. βαλεῖτε χἠμᾶς τρεῖς ὁμοῦ συγκειμένους.
  6. ἐπεὶ καλόν μοι τοῦδʼ ὑπερπονουμένῳ
  7. θανεῖν προδήλως μᾶλλον ἢ τῆς σῆς ὑπὲρ
  8. γυναικός, ἢ τοῦ σοῦ γʼ ὁμαίμονος λέγω;
  9. πρὸς ταῦθʼ ὅρα μὴ τοὐμόν, ἀλλὰ καὶ τὸ σόν·
  10. ὡς εἴ με πημανεῖς τι, βουλήσει ποτὲ
  11. καὶ δειλὸς εἶναι μᾶλλον ἢ ʼν ἐμοὶ θρασύς.
Χορός
  1. ἄναξ, Ὀδυσσεῦ, καιρὸν ἴσθʼ ἐληλυθώς,
  2. εἰ μὴ ξυνάψων, ἀλλὰ συλλύσων πάρει.
Ὀδυσσεύς
  1. τί δʼ ἔστιν, ἄνδρες; τηλόθεν γὰρ ᾐσθόμην
  2. βοὴν Ἀτρειδῶν τῷδʼ ἐπʼ ἀλκίμῳ νεκρῷ.
Ἀγαμέμνων
  1. οὐ γὰρ κλύοντές ἐσμεν αἰσχίστους λόγους,
  2. ἄναξ Ὀδυσσεῦ, τοῦδʼ ὑπʼ ἀνδρὸς ἀρτίως;
Ὀδυσσεύς
  1. ποίους; ἐγὼ γὰρ ἀνδρὶ συγγνώμην ἔχω
  2. κλύοντι φλαῦρα συμβαλεῖν ἔπη κακά.
Ἀγαμέμνων
  1. ἤκουσεν αἰσχρά· δρῶν γὰρ ἦν τοιαῦτά με.