Ajax

Sophocles

Sophocles, creator; Lobeck Christian, editor

  1. Ὡς ὧδ' ἐχόντων —
ΤΕΥΚΡΟΣ
  1. ὦ τάλας ἐγὼ, τάλας.
ΧΟΡΟΣ
  1. Πάρα στενάζειν.
ΤΕΥΚΡΟΣ
  1. ὦ περισπερχὲς πάθος !
ΧΟΡΟΣ
  1. Ἄγαν γε, Τεῦκρε.
ΤΕΥΚΡΟΣ
  1. φεῦ τάλας! τί γὰρ τέκνον
  2. τὸ τοῦδε, ποῦ μοι γῆς κυρεῖ τῆς Τρῳάδος;
ΧΟΡΟΣ
  1. Μόνος παρὰ σκηναῖσιν.
ΤΕΥΚΡΟΣ
  1. οὐχ ὅσον τάχος
  2. δῆτ' αὐτὸν ἄξεις δεῦρο, μήτις ὡς κενῆς
  3. σκύμνον λεαίνης δυςμενῶν ἀναρπάσῃ;
  4. ἴθ', ἐγκόνει, ξύγκαμνε· τοῖς θανοῦσί τοι
  5. φιλοῦσι πάντες κειμένοις ὲπεγγελἧν.
ΧΟΡΟΣ
  1. Καὶ μὴν ἔτι ζῶν, Τεῦκρε, τοῦδέ σοι μέλειν
  2. ὲφιεθ' ‘ἀνὴρ κεῖνος, ὥςπερ οὖν μέλει.
ΤΕΥΚΡΟΣ
  1. ὦ τῶν ἁπάντων δὴ θεαμάτων ἐμοὶ
  2. ἄλγιστον, ὧν προςεῖδον ὀφθαλμοῖς ὲγώ·
  3. ὁδός θ' ὁδῶν πασῶν ἀνιάσασα δὴ
  4. μάλιστα τοὐμὸν σπλάγχνον, ἢν δὴ νῦν ἔβην,
  5. ὦ φίλτατ' Αἴας, τὸν σὸν ὡς ἐπῃσθόμην