Antigone

Sophocles

Sophocles, Volume 1. Storr, Francis, editor. London; New York: William Heinemann Ltd.; The Macmillan Company, 1912.

  1. τοιούσδʼ ἐν ἀνθρώποισιν ὥρισεν νόμους.
  2. οὐδὲ σθένειν τοσοῦτον ᾠόμην τὰ σὰ
  3. κηρύγμαθʼ, ὥστʼ ἄγραπτα κἀσφαλῆ θεῶν
  4. νόμιμα δύνασθαι θνητὸν ὄνθʼ ὑπερδραμεῖν.
  5. οὐ γάρ τι νῦν γε κἀχθές, ἀλλʼ ἀεί ποτε
  6. ζῇ ταῦτα, κοὐδεὶς οἶδεν ἐξ ὅτου ʼφάνη.
  7. τούτων ἐγὼ οὐκ ἔμελλον, ἀνδρὸς οὐδενὸς
  8. φρόνημα δείσασʼ, ἐν θεοῖσι τὴν δίκην
  9. δώσειν· θανουμένη γὰρ ἐξῄδη, τί δʼ οὔ;