Fragmenta

Euripides

Euripides. Fragmenta. Tragicorum Graecorum Fragmenta. Nauck, August, editor. Leipzig: Teubner, 1889.

  1. φεῦ,
  2. οὐδὲν δίκαιόν ἐστιν ἐν τῷ νῦν γένει.
  1. Ὦ γαῖα πατρίς, ἣν Πέλοψ ὁρίζεται,
  2. χαῖρ’, ὅς τε πέτρον Ἀρκάδων δυσχείμερον
  3. 〈Πὰν〉 ἐμβατεύεις, ἔνθεν εὔχομαι γένος.
  4. Αὔγη γὰρ Ἀλέου παῖς με τῷ Τιρυνθίῳ
  5. τίκτει λαθραίως Ἡρακλεῖ· ξύνοιδ’ ὄρος
  6. Παρθένιον, ἔνθα μητέρ’ ὠδίνων ἐμὴν
  7. ἔλυσεν Εἰλείθυια.
  1. πτώχ’ ἀμφίβληστρα σώματος λαβὼν ῥάκη
  2. ἀλκτήρια τύχης
  1. δεῖ γάρ με δόξαι πτωχὸν [εἶναι τήμερον],
  2. εἶναι μὲν ὅσπερ εἰμί, φαίνεσθαι δὲ μή.
  1. ἄνασσα πράγους τοῦδε καὶ βουλεύματος
  1. ὦ Φοῖβ’ Ἄπολλον Λύκιε, τί ποτέ μ’ ἐργάσῃ;
  1. μοχθεῖν ἀνάγκη τοὺς θέλοντας εὐτυχεῖν.
  1. τόλμα σὺ κἄν τι τραχὺ νείμωσιν θεοί.
  1. μή μοι φθονήσητ’, ἄνδρες Ἑλλήνων ἄκροι,
  2. εἰ πτωχὸς ὢν τέτληκ’ ἐν ἐσθλοῖσιν λέγειν.
  1. οἶδ’ ἄνδρα Μυσὸν Τήλεφον . . εἴτε δὲ
  2. Μυσὸς 〈γεγὼς〉 ἦν εἴτε κἄλλοθέν ποθεν,
  3. πῶς . . . . Τήλεφος γνωρίζεται;
  1. κώπης ἀνάσσων κἀποβὰς εἰς Μυσίαν
  2. ἐτραυματίσθην πολεμίῳ βραχίονι.
  1. Ἀγάμεμνον, οὐδ’ εἰ πέλεκυν ἐν χεροῖν ἔχων
  2. μέλλοι τις εἰς τράχηλον ἐμβαλεῖν ἐμόν,
  3. σιγήσομαι δίκαιά γ’ ἀντειπεῖν ἔχων.
  1. καλῶς ἔχοι μοι· Τηλέφῳ δ’ ἁγὼ φρονῶ
  1. ἐρεῖ τις, οὐ χρῆν· ἀλλὰ τί ἐχρῆν εἴπατε.
  1. καθῆσθ’ ἂν ἐν δόμοισιν; ἦ πολλοῦ γε δεῖ.
  1. τὸν δὲ Τήλεφον
  2. οὐκ οἰόμεσθα; νοῦς ἄρ’ ὑμῖν οὐκ ἔνι.
  1. εἶτα δὴ θυμούμεθα
  2. παθόντες οὐδὲν μεῖζον ἢ δεδρακότες;
  1. ἅπασαν ἡμῶν τὴν πόλιν κακορροθεῖ
  1. ὦ πόλις Ἄργους, κλύεθ’ οἷα λέγει
  1. τί γάρ με πλοῦτος ὠφελεῖ νόσον;
  2. σμίκρ’ ἂν θέλοιμι καὶ καθ’ ἡμέραν ἔχων
  3. ἄλυπος οἰκεῖν μᾶλλον ἢ πλουτῶν νοσεῖν.