Bacchae

Euripides

Euripides. Euripidis Fabulae, Vol. III. Murray, Gilbert, editor. Oxford: Clarendon Press, 1913. (Reprinted 1920-1978)

  1. λάζυσθε· καταφρονεῖ με καὶ Θήβας ὅδε.
Διόνυσος
  1. αὐδῶ με μὴ δεῖν σωφρονῶν οὐ σώφροσιν.
Πενθεύς
  1. ἐγὼ δὲ δεῖν γε, κυριώτερος σέθεν.
Διόνυσος
  1. οὐκ οἶσθʼ ὅ τι ζῇς, οὐδʼ ὃ δρᾷς, οὐδʼ ὅστις εἶ.
Πενθεύς
  1. Πενθεύς, Ἀγαύης παῖς, πατρὸς δʼ Ἐχίονος.
Διόνυσος
  1. ἐνδυστυχῆσαι τοὔνομʼ ἐπιτήδειος εἶ.
Πενθεύς
  1. χώρει· καθείρξατʼ αὐτὸν ἱππικαῖς πέλας
  2. φάτναισιν, ὡς ἂν σκότιον εἰσορᾷ κνέφας.
  3. ἐκεῖ χόρευε· τάσδε δʼ ἃς ἄγων πάρει
  4. κακῶν συνεργοὺς ἢ διεμπολήσομεν
  5. ἢ χεῖρα δούπου τοῦδε καὶ βύρσης κτύπου
  6. παύσας, ἐφʼ ἱστοῖς δμωίδας κεκτήσομαι.
Διόνυσος
  1. στείχοιμʼ ἄν· ὅ τι γὰρ μὴ χρεών, οὔτοι χρεὼν
  2. παθεῖν. ἀτάρ τοι τῶνδʼ ἄποινʼ ὑβρισμάτων
  3. μέτεισι Διόνυσός σʼ, ὃν οὐκ εἶναι λέγεις·
  4. ἡμᾶς γὰρ ἀδικῶν κεῖνον εἰς δεσμοὺς ἄγεις.
Χορός
  1. ---
  2. Ἀχελῴου θύγατερ,
  3. πότνιʼ εὐπάρθενε Δίρκα,
  4. σὺ γὰρ ἐν σαῖς ποτε παγαῖς