Orestes

Euripides

Euripides. Euripidis Fabulae, Vol. III. Murray, Gilbert, editor. Oxford: Clarendon Press, 1913. (Reprinted 1920-1978)

  1. ὅτʼ ἐξέβαλλε μαστὸν ἱκετεύουσά σε
  2. μήτηρ; ἐγὼ μὲν οὐκ ἰδὼν τἀκεῖ κακά,
  3. δακρύοις γέροντʼ ὀφθαλμὸν ἐκτήκω τάλας.
  4. ἓν δʼ οὖν λόγοισι τοῖς ἐμοῖς ὁμορροθεῖ·
  5. μισῇ γε πρὸς θεῶν καὶ τίνεις μητρὸς δίκας,
  6. μανίαις ἀλαίνων καὶ φόβοις. τί μαρτύρων
  7. ἄλλων ἀκούειν δεῖ μʼ, ἅ γʼ εἰσορᾶν πάρα;
  8. ὡς οὖν ἂν εἰδῇς, Μενέλεως, τοῖσιν θεοῖς
  9. μὴ πρᾶσσʼ ἐναντίʼ, ὠφελεῖν τοῦτον θέλων,
  10. ἔα δʼ ὑπʼ ἀστῶν καταφονευθῆναι πέτροις,
  11. ἢ μὴ ʼπίβαινε Σπαρτιάτιδος χθονός.
  12. θυγάτηρ δʼ ἐμὴ θανοῦσʼ ἔπραξεν ἔνδικα·
  13. ἀλλʼ οὐχὶ πρὸς τοῦτʼ εἰκὸς ἦν αὐτὴν θανεῖν.
  14. ἐγὼ δὲ τἄλλα μακάριος πέφυκʼ ἀνήρ,
  15. πλὴν ἐς θυγατέρας· τοῦτο δʼ οὐκ εὐδαιμονῶ.
Χορός
  1. ζηλωτὸς ὅστις εὐτύχησεν ἐς τέκνα
  2. καὶ μὴ ʼπισήμους συμφορὰς ἐκτήσατο.
Ὀρέστης
  1. ὦ γέρον, ἐγώ τοι πρὸς σὲ δειμαίνω λέγειν,
  2. ὅπου σὲ μέλλω σήν τε λυπήσειν φρένα.
  3. ἐγᾦδʼ, ἀνόσιός εἰμι μητέρα κτανών,