Orestes

Euripides

Euripides. Euripidis Fabulae, Vol. III. Murray, Gilbert, editor. Oxford: Clarendon Press, 1913. (Reprinted 1920-1978)

  1. ψῆφον διοίσουσʼ, ἔνθα νικῆσαί σε χρή.
  2. ἐφʼ ἧς δʼ ἔχεις, Ὀρέστα, φάσγανον δέρῃ,
  3. γῆμαι πέπρωταί σʼ Ἑρμιόνην· ὃς δʼ οἴεται
  4. Νεοπτόλεμος γαμεῖν νιν, οὐ γαμεῖ ποτε.
  5. θανεῖν γὰρ αὐτῷ μοῖρα Δελφικῷ ξίφει,
  6. δίκας Ἀχιλλέως πατρὸς ἐξαιτοῦντά με.
  7. Πυλάδῃ δʼ ἀδελφῆς λέκτρον, ὥς ποτʼ ᾔνεσας,
  8. δός· ὁ δʼ ἐπιών νιν βίοτος εὐδαίμων μένει.
  9. Ἄργους δʼ Ὀρέστην, Μενέλεως, ἔα κρατεῖν,
  10. ἐλθὼν δʼ ἄνασσε Σπαρτιάτιδος χθονός,
  11. φερνὰς ἔχων δάμαρτος, ἥ σε μυρίοις
  12. πόνοις διδοῦσα δεῦρʼ ἀεὶ διήνυσεν.
  13. τὰ πρὸς πόλιν δὲ τῷδʼ ἐγὼ θήσω καλῶς,
  14. ὅς νιν φονεῦσαι μητέρʼ ἐξηνάγκασα.
Ὀρέστης
  1. ὦ Λοξία μαντεῖε, σῶν θεσπισμάτων.
  2. οὐ ψευδόμαντις ἦσθʼ ἄρʼ, ἀλλʼ ἐτήτυμος.
  3. καίτοι μʼ ἐσῄει δεῖμα, μή τινος κλύων
  4. ἀλαστόρων δόξαιμι σὴν κλύειν ὄπα.
  5. ἀλλʼ εὖ τελεῖται, πείσομαι δὲ σοῖς λόγοις.
  6. ἰδού, μεθίημʼ Ἑρμιόνην ἀπὸ σφαγῆς,