The Phoenician Women
Euripides
Euripides. Euripidis Fabulae, Vol. III. Murray, Gilbert, editor. Oxford: Clarendon Press, 1913. (Reprinted 1920-1978)
- ἐς πόλλʼ ἀθλία πέφυκʼ ἐγώ.
- ὅδε γὰρ εἰς ἡμᾶς ὑβρίζει.
- καὶ γὰρ ἀνθυβρίζομαι.
- ποῦ ποτε στήσῃ πρὸ πύργων;
- ὡς τί μʼ ἱστορεῖς τόδε;
- ἀντιτάξομαι κτενῶν σε.
- κἀμὲ τοῦδʼ ἔρως ἔχει.
- ὦ τάλαινʼ ἐγώ· τί δράσετʼ, ὦ τέκνα;
- αὐτὸ σημανεῖ.
- πατρὸς οὐ φεύξεσθʼ Ἐρινῦς;
- ἐρρέτω πρόπας δόμος.
- ὡς τάχʼ οὐκέθʼ αἱματηρὸν τοὐμὸν ἀργήσει ξίφος.
- τὴν δὲ θρέψασάν με γαῖαν καὶ θεοὺς μαρτύρομαι,
- ὡς ἄτιμος οἰκτρὰ πάσχων ἐξελαύνομαι χθονός,
- δοῦλος ὥς, ἀλλʼ οὐχὶ ταὐτοῦ πατρὸς Οἰδίπου γεγώς·
- κἄν τί σοι, πόλις, γένηται, μὴ ἐμέ, τόνδε δʼ αἰτιῶ·
- οὐχ ἑκὼν γὰρ ἦλθον, ἄκων δʼ ἐξελαύνομαι χθονός.
- καὶ σύ, Φοῖβʼ ἄναξ Ἀγυιεῦ, καὶ μέλαθρα, χαίρετε,
- ἥλικές θʼ οὑμοί, θεῶν τε δεξίμηλʼ ἀγάλματα.
- οὐ γὰρ οἶδʼ εἴ μοι προσειπεῖν αὖθις ἔσθʼ ὑμᾶς ποτε·