The Phoenician Women

Euripides

Euripides. Euripidis Fabulae, Vol. III. Murray, Gilbert, editor. Oxford: Clarendon Press, 1913. (Reprinted 1920-1978)

  1. καὶ φιλότεκνόν πως πᾶν γυναικεῖον γένος.
Πολυνείκης
  1. μῆτερ, φρονῶν εὖ κοὐ φρονῶν ἀφικόμην
  2. ἐχθροὺς ἐς ἄνδρας· ἀλλʼ ἀναγκαίως ἔχει
  3. πατρίδος ἐρᾶν ἅπαντας· ὃς δʼ ἄλλως λέγει,
  4. λόγοισι χαίρει τὸν δὲ νοῦν ἐκεῖσʼ ἔχει.
  5. οὕτω δʼ ἐτάρβουν ἐς φόβον τʼ ἀφικόμην,
  6. μή τις δόλος με πρὸς κασιγνήτου κτάνῃ,
  7. ὥστε ξιφήρη χεῖρʼ ἔχων διʼ ἄστεως
  8. κυκλῶν πρόσωπον ἦλθον. ἓν δέ μʼ ὠφελεῖ,
  9. σπονδαί τε καὶ σὴ πίστις, ἥ μʼ ἐσήγαγε
  10. τείχη πατρῷα· πολύδακρυς δʼ ἀφικόμην,
  11. χρόνιος ἰδὼν μέλαθρα καὶ βωμοὺς θεῶν
  12. γυμνάσιά θʼ οἷσιν ἐνετράφην Δίρκης θʼ ὕδωρ·
  13. ὧν οὐ δικαίως ἀπελαθεὶς ξένην πόλιν
  14. ναίω, διʼ ὄσσων νᾶμʼ ἔχων δακρύρροον.
  15. ἀλλʼ ἐκ γὰρ ἄλγους ἄλγος αὖ σὲ δέρκομαι
  16. κάρα ξυρῆκες καὶ πέπλους μελαγχίμους
  17. ἔχουσαν, οἴμοι τῶν ἐμῶν ἐγὼ κακῶν.
  18. ὡς δεινὸν ἔχθρα, μῆτερ, οἰκείων φίλων
  19. καὶ δυσλύτους ἔχουσα τὰς διαλλαγάς.