Iphigenia in Tauris

Euripides

Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)

  1. Φοῖβός μʼ ἔπεμψε δεῦρο, διοπετὲς λαβεῖν
  2. ἄγαλμʼ Ἀθηνῶν τʼ ἐγκαθιδρῦσαι χθονί.
  3. ἀλλʼ ἥνπερ ἡμῖν ὥρισεν σωτηρίαν,
  4. σύμπραξον· ἢν γὰρ θεᾶς κατάσχωμεν βρέτας,
  5. μανιῶν τε λήξω καὶ σὲ πολυκώπῳ σκάφει
  6. στείλας Μυκήναις ἐγκαταστήσω πάλιν.
  7. ἀλλʼ, ὦ φιληθεῖσʼ, ὦ κασίγνητον κάρα,
  8. σῷσον πατρῷον οἶκον, ἔκσῳσον δʼ ἐμέ·
  9. ὡς τἄμʼ ὄλωλε πάντα καὶ τὰ Πελοπιδῶν,
  10. οὐράνιον εἰ μὴ ληψόμεσθα θεᾶς βρέτας.
Χορός
  1. δεινή τις ὀργὴ δαιμόνων ἐπέζεσε
  2. τὸ Ταντάλειον σπέρμα διὰ πόνων τʼ ἄγει.
Ἰφιγένεια
  1. τὸ μὲν πρόθυμον, πρίν σε δεῦρʼ ἐλθεῖν, ἔχω
  2. Ἄργει γενέσθαι καὶ σέ, σύγγονʼ, εἰσιδεῖν.
  3. θέλω δʼ ἅπερ σύ, σέ τε μεταστῆσαι πόνων
  4. νοσοῦντά τʼ οἶκον, οὐχὶ τῷ κτανόντι με
  5. θυμουμένη, πατρῷον ὀρθῶσαι· θέλω·
  6. σφαγῆς τε γὰρ σῆς χεῖρʼ ἀπαλλάξαιμεν ἂν
  7. σῴσαιμί τʼ οἴκους. τὴν θεὸν δʼ ὅπως λάθω
  8. δέδοικα καὶ τύραννον, ἡνίκʼ ἂν κενὰς