Iphigenia in Tauris

Euripides

Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)

  1. οὐδʼ ὄνομʼ ἀκούσας οἶσθα τῶν ξένων φράσαι;
Βουκόλος
  1. Πυλάδης ἐκλῄζεθʼ ἅτερος πρὸς θατέρου.
Ἰφιγένεια
  1. τοῦ ξυζύγου δὲ τοῦ ξένου τί τοὔνομʼ ἦν;
Βουκόλος
  1. οὐδεὶς τόδʼ οἶδεν· οὐ γὰρ εἰσηκούσαμεν.
Ἰφιγένεια
  1. πῶς δʼ εἴδετʼ αὐτοὺς κἀντυχόντες εἵλετε;
Βουκόλος
  1. ἄκραις ἐπὶ ῥηγμῖσιν ἀξένου πόρου —
Ἰφιγένεια
  1. καὶ τίς θαλάσσης βουκόλοις κοινωνία;
Βουκόλος
  1. βοῦς ἤλθομεν νίψοντες ἐναλίᾳ δρόσῳ.
Ἰφιγένεια
  1. ἐκεῖσε δὴ ʼπάνελθε, πῶς νιν εἵλετε
  2. τρόπῳ θʼ ὁποίῳ· τοῦτο γὰρ μαθεῖν θέλω.
  3. χρόνιοι γὰρ ἥκουσʼ· οὐδέ πω βωμὸς θεᾶς
  4. Ἑλληνικαῖσιν ἐξεφοινίχθη ῥοαῖς.
Βουκόλος
  1. ἐπεὶ τὸν ἐσρέοντα διὰ Συμπληγάδων
  2. βοῦς ὑλοφορβοὺς πόντον εἰσεβάλλομεν,
  3. ἦν τις διαρρὼξ κυμάτων πολλῷ σάλῳ
  4. κοιλωπὸς ἀγμός, πορφυρευτικαὶ στέγαι.
  5. ἐνταῦθα δισσοὺς εἶδέ τις νεανίας
  6. βουφορβὸς ἡμῶν, κἀπεχώρησεν πάλιν
  7. ἄκροισι δακτύλοισι πορθμεύων ἴχνος.
  8. ἔλεξε δʼ· Οὐχ ὁρᾶτε; δαίμονές τινες