The Trojan Women

Euripides

Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)

  1. ἀλλʼ ἕρπʼ Ὄλυμπον καὶ κεραυνίους βολὰς
  2. λαβοῦσα πατρὸς ἐκ χερῶν καραδόκει,
  3. ὅταν στράτευμʼ Ἀργεῖον ἐξιῇ κάλως.
  4. μῶρος δὲ θνητῶν ὅστις ἐκπορθεῖ πόλεις,
  5. ναούς τε τύμβους θʼ, ἱερὰ τῶν κεκμηκότων,
  6. ἐρημίᾳ δοὺς αὐτὸς ὤλεθʼ ὕστερον.
Ἑκάβη
  1. ἄνα, δύσδαιμον, πεδόθεν κεφαλή·
  2. ἐπάειρε δέρην· οὐκέτι Τροία
  3. τάδε καὶ βασιλῆς ἐσμεν Τροίας.
  4. μεταβαλλομένου δαίμονος ἀνέχου.
  5. πλεῖ κατὰ πορθμόν, πλεῖ κατὰ δαίμονα,
  6. μηδὲ προσίστω πρῷραν βιότου
  7. πρὸς κῦμα πλέουσα τύχαισιν.