The Suppliant Maidens
Euripides
Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)
- σπουδὴν ἐπʼ ἄλλην Ἡρακλῆς ὁρμώμενος
- στῆσαί σʼ ἐφεῖτο Πυθικὴν πρὸς ἐσχάραν.
- ἐν τῷδε λαιμοὺς τρεῖς τριῶν μήλων τεμὼν
- ἔγγραψον ὅρκους τρίποδος ἐν κοίλῳ κύτει,
- κἄπειτα σῴζειν θεῷ δὸς ᾧ Δελφῶν μέλει,
- μνημεῖά θʼ ὅρκων μαρτύρημά θʼ Ἑλλάδι.
- ᾗ δʼ ἂν διοίξῃς σφάγια καὶ τρώσῃς φόνον
- ὀξύστομον μάχαιραν ἐς γαίας μυχοὺς
- κρύψον παρʼ αὐτὰς ἑπτὰ πυρκαιὰς νεκρῶν·
- φόβον γὰρ αὐτοῖς, ἤν ποτʼ ἔλθωσιν πόλιν,
- δειχθεῖσα θήσει καὶ κακὸν νόστον πάλιν.
- δράσας δὲ ταῦτα πέμπε γῆς ἔξω νεκρούς.