Cyclops

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. λέγ’, ὡς Ἀσιάδος οὐκ ἂν ἥδιον ψόφον
  2. κιθάρας κλύοιμεν ἢ Κύκλωπ’ ὀλωλότα.
Ὀδυσσεύς
  1. ἐπὶ κῶμον ἕρπειν πρὸς κασιγνήτους θέλει
  2. Κύκλωπας ἡσθεὶς τῷδε Βακχίου ποτῷ.
Χορός
  1. ξυνῆκ’· ἔρημον ξυλλαβὼν δρυμοῖσί νιν
  2. σφάξαι μενοινᾷς, ἢ πετρῶν ὦσαι κάτω.
Ὀδυσσεύς
  1. οὐδὲν τοιοῦτον· δόλιος ἡ ’πιθυμία.
Χορός
  1. πῶς δαί; σοφόν τοί σ’ ὄντ’ ἀκούομεν πάλαι.
Ὀδυσσεύς
  1. κώμου μὲν αὐτὸν τοῦδ’ ἀπαλλάξαι, λέγων
  2. ὡς οὐ Κύκλωψι πῶμα χρὴ δοῦναι τόδε,
  3. μόνον δ’ ἔχοντα βίοτον ἡδέως ἄγειν.
  4. ὅταν δ’ ὑπνώσσῃ Βακχίου νικώμενος
  5. ἀκρεμὼν ἐλαίας ἔστιν ἐν δόμοισί τις,
  6. ὃν φασγάνῳ ’γὼ τῷδ’ ἀποξύνας ἄκρον,
  7. ἐς πῦρ καθήσω· κᾆθ’, ὅταν κεκαυμένον
  8. ἴδω νιν, ἄρας θερμὸν ἐς μέσην βαλῶ
  9. Κύκλωπος ὄψιν, ὄμμα τ’ ἐκτήξω πυρί.
  10. ναυπηγίαν δ’ ὡσεί τις ἁρμόζων ἀνὴρ
  11. διπλοῖν χαλινοῖν τρύπανον κωπηλατεῖ,
  12. οὕτω κυκλώσω δαλὸν ἐν φαεσφόρῳ