Suidae lexicon

1 Ὠα: μηλωτή, διφθέρα· καὶ τὸ λῶμα τοῦ ἐνδύματοϲ περὶ τὴν πέζαν· ἢ τὸ περιϲτόμιον. Ὠαν ἐκάλεϲεν ὁ Δαβὶδ ὃ καλοῦμεν περιτραχήλιον· [*](Thdr + Ecl.) οἱ δὲ ϲτόμα ἐνδύματοϲ εἰρήκαϲιν· οἱ δὲ τὴν ἀνάκλαϲιν τοῦ ἱματίου. ἐπὶ τὴν ὦαν τοῦ ἐνδύματοϲ αὐτοῦ.

2 ᾨά: τὰ ἐκ τῶν κατοικιδίων ὀρνίθων γεννώμενα. λύϲιϲ ὀνείρου· [*](On.) ᾠὰ κρατεῖν ἔϲθειν τε ϲημαίνει λύπαϲ.

3 Ὠατοθήϲω; ἀκούϲομαι. Δωριεῖϲ.

4 Ὠβάξ: παρὰ Πλουτάρχῳ.

5 Ὠβέλιϲται: ἠθέτηται, ἠλλοτρίωται. ὁ γὰρ ὀβελὸϲ ἐν τοῖϲ βιβλίοιϲ ἀθετήϲεωϲ ϲύμβολον.

6 Ὤγ, βαϲιλεὺϲ τῆϲ Βαϲάν, καὶ Σηών, βαϲιλεὺϲ τῶν Ἀμοραίων, οἷον ἐπὶ δυναϲτείᾳ ἐϲεμνύνοντο. ὁ δὲ Ὤγ καὶ κλίνῃ ἐκέχρητο ϲιδηρᾷ διὰ τὸ τοῦ ϲώματοϲ μέγεθοϲ, θ΄ μὲν πήχειϲ τὸ μῆκοϲ, ε΄ δὲ τὸ εὖροϲ ἐχούϲῃ. ὁ βαϲιλεὺϲ τῆϲ Βαϲὰν Ὤγ προϲαγορεύεται, τουτέϲτι διάφραξιϲ· ὡϲ τῶν ἔργων τῆϲ αἰϲχύνηϲ (τοῦτο γὰρ ἡ Βαϲάν) τὴν ὁδὸν τῆϲ ϲωτηρίαϲ ἡμῖν ἀποφραϲϲόντων. ὃν ἀποκτενεῖ κύριοϲ ἐπ᾿ ἐλευθερίᾳ τῶ κρατουμένων.

7 γαθέ: ἀντὶ τοῦ ὦ ἀγαθέ.

8 Ὠγενίδαι: ἀρχαῖοι.

9 Ὠγκώθη· κἀκ τούτου ἐπὶ πλεῖον ἢ κατὰ τὸ ὑπάρχον ὠγκώθη.

10 Ὤγμευον: Ξενορῶν ἐν β΄ ἀντὶ τοῦ ἐπορεύοντο. παρὰ τὸν ὀγμόν, τὸν ϲημαίνοντα τὴν κατὰ τάξιν ὁδὸν τῶν θεριζόντων.

11 ᾬνυντο: ἠνοίγοντο.

12 Ὠγύγια κακά: ἐπὶ τῶν ὀχληρῶν· ἐπεὶ ϲυνέβη Κάδμον τὸν Ὠγύγα διὰ τὰϲ θυγατέραϲ κακοῖϲ περιπεϲεῖν. ἄμεινον δὲ λέγειν Ὠγύγια κακά, τὰ παλαιά· τοῦτο γὰρ ἡ λέξιϲ δηλοῖ.