Suidae lexicon

2691 Κύνα δέρειν δεδαρμένην: τὸ τοῦ Φερεκράτουϲ. ϲχῆμα δέ ἐϲτι ἀκόλαϲτον εἰϲ τὸ αἰδοῖον. εἴρηται δὲ ἐπὶ τῶν ἄλλο παϲχόντων αὖθιϲ ἐφ᾿  οἷϲ πεπόνθαϲιν ἡ παροιμία.

2692 Κύννα καὶ Σαλαβακχώ: ὀνόματα θαυμαζομένων παρ᾿  Ἀθήνηϲιν ἑταιρῶν. Ἀριϲτοφάνηϲ· καὶ πρῶτον μὲν μάχομαι πάντων αὐτῷ τῷ καρχαρόδοντι, οὖ δεινόταται μὲν ἀπʼ ὀφθαλμῶν Κύννηϲ ἀκτῖνεϲ ἔλαμπον· ἑκατὸν δὲ κύκλῳ κεφαλαὶ κολάκων οἰμωξομένων ἐλιχμῶντο περὶ τὴν κεφαλήν. περὶ Κλέωνόϲ φηϲι.

2693 Κυνάμυια: ἀναιδεϲτάτη. παρεϲχημάτικε τὸ ὄνομα ἀπὸ τοῦ κυνὸϲ καὶ τῆϲ μυίαϲ. ὁ μὲν γὰρ κύων ἀναιδήϲ, ἡ δὲ μυῖα θραϲεῖα.

2694 Κυναϲβοτῆραϲ: ὑφ’ ἓν ἀναγνωϲτέον. τοὺϲ ποιμενικοὺϲ κύναϲ οὐ γὰρ ἀναιρεῖ κατὰ τὴν ϲκηνὴν ἄνθρωπον, ἀλλ᾿  ἔξω τινὰϲ ἀναιρεῖ.

2695 Κυναίγειροϲ, Ἀθηναῖοϲ, Εὐφορίωνοϲ, Αἰϲχύλου δὲ ἀδελφόϲ, τῆϲ ϲτρατηγίδοϲ ἐπελάβετο νηὸϲ τῶν Περϲῶν ἤδη φευγούϲηϲ καὶ τὴν δεξιὰν ἀποκοπεὶϲ ἐπέβαλε τὴν ἀριϲτεράν, ἧϲ καὶ αὐτῆϲ ἀποκοπείϲηϲ ἐτελεύτα πεϲών.

2696 Κυναῖοϲ: ὁ ἀναιδήϲ.

2697 Κυνέαϲ: τὰϲ περικεφαλαίαϲ. ἤτοι τὰϲ ἀπὸ κυνείων δερμάτων γιγνομέναϲ, ἢ ἀπὸ Κυνόϲ τινοϲ, καταϲκευάϲαντοϲ πρῶτον. μέμνηται Δημοϲθένηϲ ἐν τῷ κατὰ Νεαίραϲ οὕτωϲ· οἱ τὰϲ κυνᾶϲ τὰϲ ϲιωπὰϲ ἔχοντεϲ.

2698 Κυνέη: περικεφαλαία. τῶν ἀγροίκων φόρημα. φαϲὶ δὲ ὅτι [*](Σ) τὸ πρότερον ἀπὸ κυνείων δερμάτων ἐγίνοντο.

2699 Κύνειοϲ δορά.

2700 Κύνειρον.

2701 Κυνῆ· Ἀριϲτοφάνηϲ· πλοῖον ἢ κυνῆ. ἐπὶ τῶν ἀμφιβόλων [*](Ar.) πραγμάτων. πλοῖον μέν, καθὸ ἐπτέρωνται αἱ τριήρειϲ καὶ τὰ πτερὰ διατέταται ὥϲπερ κῶπαι· κυνῆ δέ, ὅτι ἔχει περικεφαλαίαν τὸν πέταϲον, ὡϲ ὁ Ἑρμῆϲ, ἄγγελοϲ ὤν. καὶ οἱ Πελοποννήϲιοι δὲ κυνῆν τὸν πέταϲόν φαϲι.

2702 Κυνήγιον· ὅτι ἐν τῷ Κυνηγίῳ καλουμένῳ ἐρριπτοῦντο οἱ βιοθάνατοι· ἦϲαν δέ τινεϲ ἐκεῖϲε ϲτῆλαι. καὶ ἀπελθὼν Θεόδωροϲ ὁ ἀναγνώϲτηϲ μετὰ Ἱμερίου χαρτουλαρίου εἶδεν ἐκεῖϲε ϲτήλην μικρὰν τῷ μήκει καὶ πλατεῖαν καὶ παχεῖαν πάνυ. ἐμοῦ δὲ θαυμάζοντοϲ, φηϲὶ ὁ Ἱμέριοϲ, θαύμαζε, ἔφη, ὅτι ὁ κτίϲαϲ τὸ κυνήγιον ἐϲτίν. ἐμοῦ δὲ εἰπόντοϲ, Μαξιμῖνοϲ ὁ κτίϲαϲ καὶ Ἀριϲτείδηϲ ὁ καταμετρήϲαϲ· παρευθὺ πεϲεῖν τὴν ϲτήλην ἐκ τοῦ ἐκεῖϲε ὕψουϲ καὶ δοῦναι τῷ Ἱμερίῳ καὶ θανατῶϲαι. ἐμοῦ δὲ φοβηθέντοϲ καὶ πρὸϲ τὴν ἐκκληϲίαν φυγόντοϲ καὶ καταγγέλλοντοϲ τὸ πραχθέν. ἀπιϲτούντων πάντων, ὅρκοιϲ τούτουϲ ἐβεβαίωϲα. οἱ οὖν οἰκεῖοι τοῦ τελευτήϲαντοϲ καί τινεϲ τοῦ βαϲιλέωϲ ϲὺν ἐμοὶ ἐπορεύθηϲαν ἐν τῷ τόπῳ καὶ πρὸ τοῦ τὸ πτῶμα ἰδεῖν τοῦ ἀνδρόϲ, τὸ πτῶμα τῆϲ ϲτήληϲ ἐθαύμαζον. Ἰωάννηϲ δέ τιϲ φιλόϲοφοϲ ἔφη, ὅτι εὗρον ὑπὸ τούτου τοῦ ζῳδίου ἔνδοξον ἄνδρα τεθνηξόμενον. ἐξ οὗ Φιλιππικὸϲ ὁ βαϲιλεὺϲ πληροφορηθεὶϲ τοῦτο τὸ ζῴδιον ἐν τῷ αὐτῷ τόπῳ καταχωϲθῆναι ἐκέλευϲε.

2703 Κυνηγόϲ· ζήτει ἐν τῷ Ἄρατοϲ.

2704 Κυνηδόν· ζήτει ἐν τῷ Ἀντίοχοϲ αὐτόμολοϲ Κίλιξ.

2705 Κυνηδόν: ὡϲ κύων. ἡ δὲ ἀγανακτήϲαϲα καὶ κυνηδὸν ὑποπληϲθεῖϲα [*](Σ) τοῦ θυμοῦ, τοῖϲ ὀδοῦϲιν ἐμφῦϲα εἰϲ τὸ ϲκέλοϲ, εἶτα μηδὲν [*](Ε) ἀδικοῦντα χωλὸν εἰργάϲατο.

2706 Κυνήειοϲ: Ἀπόλλων Ἀθήνηϲιν οὕτωϲ λεγόμενοϲ, ὃν ἱδρύϲατο [*](Σ) Κύννιϲ, Ἀπόλλωνοϲ καὶ Παρνηθίαϲ νύμφηϲ, ὡϲ Σωκράτηϲ ἐν ιβ΄ Θεμένηϲ τῆϲ Λητοῦϲ τὰ βρέφη ὑπὸ κυνῶν ἁρπαϲθῆναι. τοῦ κνυζηθμοῦ [*](2698 περικεφαλαία ═ P. Ba 285, 7 cf. Ambr. 1842, sch. Ε 845, sch. Ar. Nu. 268 τῶν sq. sch. Ar. u. 268 2699 cf Ambr.1892 2700 cf. Theognost. An. Ox. 2, 21, 23 2701 Ar. Av. 1203 c. sch. plenior. 2702 ═ Prepger 163 1 —19 2705 — κύων ═ P, H (in Ar. Nu. 491) cf. Ambr. 1954 2706 ═ P; —Ἀπόλλ cf. H; Socrat. FHG 4, 499) [*](2701 cf v πλοῖον) [*](2700 om F 6 ἐπταίρωνται F ἐπαίρονται V 8 Πελοποννήϲιοι F, sch. Kust.: A(GFVM) Πέλοπεϲ rell. τὸν G; τὴν rell. 10 ἐριπτοῦντο F ἐριποῦντο V 11 ἦϲαν— 24 ἐκέλευϲε om. F 16 δοῦναι τῷ Ἱμερίῳ A, Preger: κροῦϲαι τὸν Ἱμέριον GVM 18 τούτουϲ A: τοῦτο GVM αὐτοὺϲ Preger 20 et 21 πῶμα V 27 ἡ— 29 εἰργάϲατο om. F 30 οὕτω GFM ὃν— p. 214, 7 καλούμενον om. F 32 ante θεμένηϲ lac. statuit Hemst.)

2707 Κυνίδαι: γένοϲ τι παρʼ Ἀθηναίοιϲ οὕτω καλούμενον.

2708 Κυνίδιον: τὸ μικρὸν κυνάριον.

2709 Κυνικὴ φιλοϲοφία ζήτει ἐν τῷ Ἀντιϲθένηϲ.

2710 Κυνίϲκαϲ: τὰϲ κύναϲ· ὥϲπερ φιαλίϲκαϲ.