Scholia in Iliadem

29. ἢ τὴν μετὰ τὸν τάφον εὐωχίαν, ἵνʼ ᾖ τὸ δαίνυ ἀντὶ τοῦ παρε- [*](1. ὅτι] *οἵ τοι (οἱ τε apud schol. 2. ἰάματα] ἐρείσματα schol. So- Soph. El. 286). Trimeter est οἵ τοι phoclis. ―ἰάματα 29. τοῦ τῶν] τούτων)

30. ἀργοί] ταχεῖς· ἀλλὰ εἰλίποδες. λευκοί· ἀλλʼ οὐ θύεται λευκὰ τοῖς τεθνεῶσι· δῆλον γὰρ ἐκ τοῦ “ἔρθʼ ὄῖν ἀρνειὸν ῥέξειν θῆλύν τε καὶ μέλαιναν” (Od. 10, 527) καὶ “ὄῖν ἱερευσέμεν οἴῳ παμμέλανα” (ib. 524). ἢ οὖν μετὰ τὸ ἐκδαρῆναι διὰ τὴν πιμελήν· ἢ ὅτι οὐ τῷ Πατρόκλῳ, ἀλλʼ εἰς τὸ δεῖπνον τῶν ζώντων τοὺς βόας ἔθυον.

ὀρέχθεον] κατὰ μίμησιν ἤχου τραχέος πεποίηται τὸ ῥῆμα, ἀντὶ τοῦ ἔστενον ἀναιρούμενοι.

*ἀπεκτείνοντο ἀναιρούμενοι· τὸ γὰρ ἰδίωμα μιμεῖται τῆς φωνῆς, ὃ προίενται ἀναιρούμενοι οἱ βόες. οἱ δὲ, διεκόπτοντο· ἀπὸ τούτου καὶ ἐρεγμὸς ὁ ἀποκεκομμένος κύαμος.

31. πολλοὶ δʼ ὄῖες καὶ μηκάδες αἶγες] οὐκέτι ὀρέχθεον, ἀλλ’ ἐμήκαζον. ἡ δὲ ἐπανάληψις τοῦ πολλοί τὸ πλῆθος ἐμφαίνει καὶ τὸ ἀόριστον.

33. εὑόμενοι] τὸ εὕειν ἐστὶ τὸ ἀποκαίειν τὰς τρίχας.

34. ἔρρεεν αἷμα] οὐχ ὅτι ἥπτετο τοῦ νεκροῦ (κεῖται γὰρ ἐν τοῖς λέχεσιν), ἀλλὰ περὶ αὐτὸν ἐχεῖτο. κοτυλήρυτον δὲ τὸ δαψιλὲς, τὸ κοτύλῃ ἀρυόμενον, παρὰ τὸ ἀρύω ἀρύσω ἀρυτόν, κοτυλάρυτον. καθόλου δὲ κοτύλας ἐκάλουν πάντα τὰ κοῖλα· καὶ Αἰσχύλος ἐν Ἡδωνοῖς (fr. 55) τὰ κύμβαλα· “ὁ δὲ χαλκοδέτοις κολύλαις ἠχεῖ.” ἔστι δὲ καὶ τὸ μικρὸν ποτήριον, ὡς τὸ “κοτύλην τις τυτθὸν ἐπέσχεν” (Il. 22, 494) καὶ “πύρνον καὶ κοτύλην ὀρέξει” (Od. 15, 312). καὶ αἱ τῶν πολυπόδων φολίδες, ὡς τὸ “πρὸς κοτυληδονόφιν πυκιναὶ λάῖγγες ἔχονται (Od. 5, 433). καὶ τὸ κοῖλον τῆς χειρός. καὶ κοτυλίσκος ὁ μικρὸς κρατήρ.

36. εἰς Ἀγαμέμνονα] ἀντὶ τοῦ πρός.

37. σπουδῇ] μόγις. παροξυτόνως δὲ τὸ παρπεπιθόντες· ἔστι γὰρ δευτέρου ἀορίστου.

χωόμενον] συγκεχυμένον καὶ λυπούμενον.

39. ἐκέλευσαν, πληθυντικῶς, οἱ βασιλεῖς, ὡς Ἡρωδιανός.

40. εἰ πεπίθοιεν] φιλικῶς ἄγαν· προειλήφασι μὲν γὰρ ὅτι οὐκ ἐθελήσει, παρασκευάζονται δὲ ὅμως. τοῦτο δὲ δηλοῖ διὰ τοῦ εἰ πεπίθοιεν.

41. βρότον αἱματόεντα] τὸν ἐξ αἵματος μολυσμόν.

42. στερεῶς] ὁλοσχερῶς, ἀπαρακλήτως.

43. οὐ μὰ Ζῆνʼ] τὴν ἄρνησιν καὶ ἀπόμοσιν ὁμοῦ τέθεικεν. θεῶν ὕπατος καὶ ἄριστος] δυνάμει καὶ τιμῇ τῶν ἄλλων προὔχων θεῶν

44. καρήατος] λείπει τὸ ἐμοῦ· ἀσεβεῖν γὰρ οἱ φιλόστοργοι νομί- ζουσι τὴν τοῦ σώματος ἐπιμέλειαν τῆς κηδείας προτιθέντες.

48. ἄκρως διὰ τοῦ πειθώμεθα τὸ πρὸς βίαν καὶ παρὰ τὸ δέον δηλοῖ.

50. παρά τε σχεῖν ὡς ἐπιεικές] παρασχεῖν ὡς ἁρμόζει καὶ καθῆ- κόν ἐστιν.