Scholia in Iliadem

598. ἡσύχιον] λάθρα, κρυφῆ καὶ ἀθορύβως.

602. πυροφόρου] εὐθέτου πρὸς ἄροσιν.

604. τυτθὸν ὑπεκπροθέοντα] θνητὴν γὰρ ἐμιμεῖτο ταχυτῆτα, καταλιμπάνων ἐλπίδα τῷ διώκοντι.

605. ὑποστικτέον εἰς τὸ οἷσιν· ἡ γὰρ ἀνταπόδοσις, ἕως ὁ τόν, τόφρʼ ἄλλοι Τρῶες.

606. πεφοβημένοι ἦλθον ὁμίλῳ] ὑπὸ τῶν Ἑλλήνων διωκόμενοι. ἀλλὰ διὰ τὸ τὸν λόγον εἶναι περὶ τῆς Ἀχιλλέως ἀριστείας, παραι- τεῖται καὶ ἄλλους εἰσάγειν ἀριστεύοντας.

ὡς ειχε ποδῶν ἕκαστος ἐσώζετο, μὴ μεμνημένος τῶν συμμάχων, ἀλλὰ τὸ καθʼ ἑαυτὸν σκοπῶν.