Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)

ἐλάτα

: τῇ κωπηλασίᾳ. M. Gu.

209.

περιρρύτων

: τῶν σφοδρῶς ῥεομένων, ἢ κύκλῳ χεομένων. ἀκάρπιστα δὲ πεδία τὴν θάλασσάν φησιν. ἱππεύσαντος δὲ ἐπεὶ πεζεύειν αἱ νῆες δοκοῦσιν ὀχήματος τρόπον, ὡς καὶ Ἴων,

ὅταν δὲ πόντου πεδίον Αἰγαῖον δράμω.

καὶ Αἰσχύλος Νηρεΐσι

δελφινοφόρον πεδίον πόντου διαμειψάμεναι.

A.B.C. H.M.T. I. Ἄλλως. τὸ ἑξῆς τοῦ λόγου, ἐπλεύσαμεν ἐλάτῃ Ζεφύρου πνεύσαντος ἄνωθεν ἐξ αἰθέρος διὰ τοῦ σφοδροτάτου πελάγους τῆς Σικελίας περὶ τὸ στενὸν, ὅ ἐστι τὸ Ἰόνιον πέλαγος, εἰς ὃ ἐμβάλλουσιν οἱ ἀπὸ Συρίας εἰς Ἑλλάδα ἀπιόντες. A.

210.

ὑπὲρ ἀκαρπίστων

: ὑπεράνωθεν πολυκαρπίστων. M.