Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

335.

θοάζων

: ἐπιδιώκων, ταχύνων, διεγείρων, ἐκμαίνων. κῆτος θοάζον Ἀνδρομέδᾳ. B. M. παροξύνων. Gr. κινῶν, ἐκμαίνων. Gu. σοι. Gr. ἢ τῷ ἀγῶνι. Gu.

ᾧ δάκρυα δάκρυσι συμβάλλει

: συνάγει καὶ συμμίσγει ἐπάλληλα δάκρυα. Ὅμηρος συμβάλλετον ὄβριμον ὕδωρ. ἢ συνάπτει, ἵν’ ᾖ ἡ μεταφορὰ ἀπὸ τῶν συμβαλλόντων τοῖς σχοινίοις ἕτερα καὶ ἐπιμηκέστερα ποιούντων, οἷον ἐπὶ τοῖς δάκρυσι συνάπτει δάκρυα. Ἀριστοφάνης ὥσπερ σχοινία συμβάλλοντες εἰς τὰς ὁλκάδας. B.M.I.

ᾧ δάκρυα

: ὃ γράφε ἀντὶ τοῦ ὅστις, καὶ δόμον, μὴ δόμους, λέγων οὕτως, ὃς καὶ ὅστις ἀγὼν, δηλονότι ὁ φόνιος, συμβάλλει καὶ συνάπτει τοῖς δάκρυσι δάκρυα. ἐπεὶ δὲ οὐκ ἐποίει ταῦτα ὁ ἀγὼν, ἀλλά τις τῶν θεῶν, ἐπήγαγε, τίς, λέγω, τῶν ἀλαστόρων, καὶ τῶν ἐχθρῶν, πορεύων καὶ ἐπιφέρων εἰς τὸν δόμον τὸ αἷμα τῆς σῆς μητρὸς, ὅπερ σὲ ποιεῖ μαίνεσθαι. οἱ δὲ γράφοντες τὸ ω μέγα διὰ τὸ συμβάλλει ἀγνοοῦσι τὰ μέτρα. I.