Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

308.

ἔχε γὰρ ταυτόν

: ὁμοίως ἔχουσιν ἐμοὶ ἀμφότερα· ὁ γὰρ σὸς θάνατος καὶ ἐμὸς θάνατός ἐστι καὶ ἡ σὴ ζωὴ ἐμὴ ζωή. ἥκιστα γάρ μοι τὸ ζῆν ἥδιστον σοῦ θανόντος, μᾶλλον δὲ καὶ νέκρωσις νομισθήσεται, διὰ τὸ ἔρημον ἀπολειφθῆναί με βοηθείας. Gu. I.

ἔχει γὰρ ταυτόν

: τὸ ζῆν με καὶ ἀποθανεῖν ταυτόν ἐστιν, ἐὰν σὺ τελευτήσῃς. ἢ τὸ ἔχει ἀντὶ τοῦ σχήσει. ὁ δὲ λόγος, ἐὰν σὺ ἀποθάνῃς, ταυτόν μοι πάθος γενήσεται, ὅ ἐστι, κἀγὼ συντεθνήξομαί σοι. A.B. C.M.I. ἕξει γὰρ ταυτόν με πάθος ὅπερ καὶ σέ. M. ἕξει ἐμὲ πάθος ὃ καὶ σὲ, ἤτοι κἀγὼ συντεθνήξω. Fl. 10.

310.

εἰ δὲ σοὶ δοκεῖ

: τουτέστιν, εἰ βούλει με φυγεῖν, πείθομαι. C.M.

311.

δρᾶν χρὴ τάδε

: κατὰ συνεκδοχὴν καὶ πρὸς τὸ δοκεῖ καὶ πρὸς τὸ χρή ληπτέον. Gu. I.

313.

καὶ μὴ τὸ ταρβοῦν ἄγαν ἀποδέχου

: μὴ ἐν ὑποψίᾳ ἔχε μηδὲ φαντάζου τὸ ἐκφοβοῦν σε. ἀποδέχου δὲ ἀντὶ τοῦ ὑποδέχου, προσδέχου. A.B. C. M. τουτέστι μὴ ἔχε τὴν ὑποψίαν κατὰ νοῦν ἀεὶ τῆς μανίας· τοῦτο γάρ ἐστι τὸ ἄγαν ἀποδέχου. ταρβοῦν δὲ ἐκ δεμνίων λέγει, οὐχ ὅτι τὰ δέμνια ἐποίει αὐτὸν μαίνεσθαι, ἀλλ’ ὅτι κείμενος ἐκεῖ φόβον ἐξ Ἐριννύων ἐδέχετο, κατεχόμενος τῇ μανίᾳ. Gu. I.