Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

259.

ὁρᾷς γὰρ οὐδέν

: τὰ γὰρ φαντασιώδη ἀνυπόστατα. A.C. Ἄλλως. ὃ γὰρ τὸ τῶν σωφρονούντων ὄμμα διαφεύγειν συμβέβηκεν, τοῦτο κατὰ τὴν πλάνην τοῖς μαινομένοις ὁρᾶσθαι συμβέβηκεν. A. B. M. ὅθεν καὶ οὗτος τὰς Ἐρινύας ἐνθουσιαστικῶς φαντάζεται ὁρᾶν. τὸ δὲ ἱέριαι προπαροξύνεται ὡς τὸ τιμώριαι καὶ αἴτιαι καὶ τὰ τοιαῦτα. ἱερείας δὲ αὐτὰς καλεῖ παρ’ ὅσον ἐξυτηρετοῦνται αὐτοῖς. ἀποστέλλουσι γὰρ αὐτοῖς τὰς ψυχάς. A. B. C.M.I.

σάφα

: ποιητικῶς ἀντὶ τοῦ σαφῶς. Gr. Fl. 6. 9. 17. 21. 56. 76.

εἰδέναι

: βλέπειν εἰπεῖν ἔμελλεν· ὅτι δὲ ὃ βλέπει τις γινώσκει, οὕτως ἐξήνεγκεν. Gu.

260.

ὦ Φοῖβ’, ἀποκτενοῦσι

: ὦ Ἄπολλον, φονεύσουσί με αἱ ἄγριαι καὶ ἀναιδεῖς γοργώπιδες, αἱ καταπληκτικαὶ τοῖς ὀφθαλμοῖς, αἱ ἱέρειαι καὶ φονεύτριαι τῶν νεκρῶν, αἱ φοβεραὶ θεαί. I.

αἱ κυνώπιδες

: αἱ ἄγριαι. Gr. ἀναιδεῖς. Gu.