Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

235.

μάλιστα

: ἤτοι ναί· ἔχει γὰρ τόδε, τὸ ἀνορθωθῆναι δηλονότι, ὑπόληψιν, ἤτοι ἐλπίδα, ὑγείας. καλὸν δὲ τὸ δοκεῖν, κἂν μακρὰν ᾖ τῆς ἀληθείας. I.

δόξαν γὰρ τόδ’ ὑγιείας ἔχει

: τὸ ἀναστῆναι. ὁπόταν γὰρ εὐθυμῇ ψυχὴ τῇ τῆς ἐλπίδος ὑπολήψει, συνδιασώζεται τὸ σῶμα. καὶ Σιμωνίδης τὸ δοκεῖν καὶ τὰν ἀλάθειαν βιᾶται. A.B.M.I.

236.

κρεῖσσον δέ

: ἀντὶ τοῦ ἰσχυρὸν μέν. M.

τὸ δοκεῖν

: καλὸν δὲ τὸ διεγείρεσθαι τὴν ψυχὴν τῇ δόξῃ τῆς ὑγείας ἢ τοιούτου τινὸς, καὶ μὴ καταπίπτειν ἐν ταῖς νόσοις ἢ ἑτέροις τοιούτοις, κἂν μακρὰν ᾖ τῆς ἀληθείας ἡ δόξα. Gr. Fl. 6. 9. 17. 21. 56. 59. 76.

237.

ὦ κασίγνητον κάρα

: περιφραστικῶς ἀντὶ τοῦ ὦ ἀδελφέ. B. ὦ ἀδελφὲ, κατὰ περίφρασιν. Gr. αὐτάδελφον. Gu. ὦ ἀδελφὲ, ἐν ὅσῳ ἀφιᾶσί σε αἱ Ἐριννύες φρονεῖν καλῶς. I. διὰ τοῦτο εἶπεν ὅτι οἱ ἐν περιστάσει ὄντες ἀεὶ τὸ ἐπάγγελμα τοῦ μέλλοντος λέγεσθαι δεδοίκασιν. A. C.M. ἡ παρά καὶ τὸ ἐμοῦ προσληπτέον. M.