Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1528.

οὔτε γὰρ γυνὴ πέφυκας

: δύναται μὲν καὶ ἐπὶ εὐνούχου ταῦτα λαμβάνεσθαι, δύναται δὲ καὶ ὅτι γύννιδές εἰσιν οἱ Φρύγες. B.M. I.

οὔτ’ ἐν ἀνδράσι

: εὐνοῦχος γὰρ ἦν. I. οἱ εὐνοῦχοι τὸ θερμὸν ὀλίγον ἔχουσι. C.

1529.

τοῦ δὲ μὴ στῆσαι

: ποιῆσαί σε κραυγὴν ἐξῆλθον τῶν δόμων. στενούμενοι οἱ πόροι τῆς διεξόδου ἀποτελεῖται ἡ φωνὴ ὀξεῖα καὶ λεπτή. C. ἕνεκα δὲ τοῦ μὴ ἐγεῖραί σε κραυγὴν ἐξῆλθον τῶν δόμων. B. Gr. Fl. 6. 9. 17. 21. 56. 59. 76.

1530.

ὀξὺ γάρ

: ταχὺ, ὀξέως. Gu. ἀντὶ τοῦ ὀξέως ἐξεγείρονται οἱ Ἀργεῖοι, ἐπὰν βοῆς ἀκούσωσιν. ἐκεῖνο, φησὶν, ἐφοβούμην καὶ ὑφωρώμην, μὴ ἄρα σὺ κραυγάσας ἐξαναστήσῃς τὴν πόλιν καθ’ ἡμῶν. περὶ γὰρ τοῦ Μενελάου οὐδεὶς λόγος· ἑνὸς γὰρ αὐτοῦ ὄντος δυνησόμεθα περιγενέσθαι, ὥστε ἡκέτω ὁ τῷ κάλλει μόνον ἐπερειδόμενος. εἰ δὲ τοὺς Ἀργείους πάντας ἐπαγόμενος ἔλθῃ, ἀμυνόμενος ἡμᾶς διὰ τὸν τῆς Ἑλένης φόνον, καὶ μὴ ἐθελήσῃ σώζειν ἡμᾶς, ἐπαναιρήσομαι τῇ Ἐλένη τὴν Ἑρμιόνῃ. B.M.I.