Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1522.

ὅς σ’ ἀπαλλάξει κακῶν

: ἐλευθερώσει τῶν ἐκ τῆς δουλείας κακῶν. Bar. Gr.

1525.

ἀφεῖσαι

: ἐπὶ τοῦ παρόντος, φησὶν, ἀφίημί σε, ὕστερον δὲ βουλεύσομαι περὶ σοῦ. B. M.I. ἀπαλλάξαι. M. πρὸ τέλους ὁ τόνος· προπερισπᾶται γὰρ παρακείμενος ὤν. ὁ δὲ Θεοδόσιος ἀπὸ τοῦ ἕω φησὶν αὐτό· εἰ γὰρ ἦν ἀπὸ τοῦ ἵημι, προπαρωξύνετο, φησὶν, ὡς τρισύλλαβος. οἱ δὲ ἀπὸ τοῦ ἵημι, ἥσω, ἧκα, ἕμαι καὶ εἷμαι, κατὰ πλεονασμὸν τοῦ ι, ὡς τὸ τέθειμαι, καὶ εἷσαι, καὶ ἐξ αὐτοῦ τὸ ἀφεῖσαι. φυλάττεται γὰρ ὁ τόνος τῶν ὁριστικῶν, ἐπὰν μετὰ προθέσεως συντεθῇ καὶ μὴ ἀποβάλλωσι τὴν μακράν. B.M.I. ἄφειμι, ὁ μέλλων ἀφήσω, ὁ παρακείμενος ἀφῆκα, ὁ παθητικὸς ἀφεῖμαι ἀφεῖσαι. C. ἠλευθέρωσαι. Gr. ἀπολέλυσαι τούτου. Gu. Fl. 6. 9. 17. 21. 25. 34. 56. 59. 76.

1526.

μεταβουλευσόμεσθα

: μεταμελησόμεθα. Fl. 59. τὸ μεταβουλευσόμεσθα λέγει, ἢ ἂν ὁ Φρὺξ φανῇ κακὸς, ἢ ἀστειευόμενος. Gu.

1527.

μῶρος εἶ

: μῶρος εἶ, φησὶν, εἰ δοκεῖς με ὅλως ἀξιῶσαι φονεύειν σε. τινὲς δὲ εἰς τὸ μωρός στίζουσι καὶ τὸ ἄλλο ἀπόλυτον. M. τινὲς οὕτω στίζουσι, καὶ τὸ ἄλλο ἀπόλυτον· τινὲς δὲ οὕτως, εἰ δοκεῖς με τλῆναι σὴν καθαιμάξαι δέρην, πάνυ ἀνόητος εἶ, ἵν’ ᾖ κατ’ ἔλλειψιν. B. Gu. I.