Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
148.―151.
ναὶ οὕτως: ναὶ οὕτω, φώνει δηλονότι, κάταγε κάταγε, ἤγουν ταπείνου τὴν σὴν φωνὴν, πρόσελθε ἡσύχως, ἡσύχως ἐλθέ. ἀπόκριναι δὲ δι’ ἣν αἰτίαν ἤλθετε καὶ χρείαν. χρόνια γὰρ, ἀντὶ τοῦ χρονίως, ἤτοι βραδέως, πεσὼν ὅδε ὁ Ὀρέστης εὐνάζεται καὶ ἀναπαύεται. I.
149.
κάταγε κάταγε: τῇ ἐπαναλήψει μεμίμηται τὴν ἠρεμαίαν προϊέμενον φωνήν· ἅτε γὰρ οὐκ ἐξακουομένης, δεύτερον ταῖς αὐταῖς κέχρηται λέξεσι. B.M.I.
κάταγε κάταγε: τὸ κάταγε ἐναντίον ἐστὶ τῇ ἀνατάσει τῆς βοῆς. σημαίνει δὲ τὸ κάταγε τὸ πρόσελθε, ἀφ’ οὗ καὶ καταγωγαὶ οἱ λιμένες. χρόνια δὲ ἀντὶ τοῦ ἀπὸ πολλοῦ χρόνου. τοῦτο δὲ ἀναφορὰν ἔχει πρὸς τὸ πρόσιθι ἀτρέμας. ὁ δὲ νοῦς, χρονίως, ὅ ἐστι διὰ χρόνου, ἐκοιμήθη. A.B. C.M.I.
κάταγε: ἀπὸ μεταφορᾶς τῶν καταγομένων νεῶν εἰς τοὺς λιμένας. Gr. Fl. 6. 9. 17. 21. 34. 56. 59. 76. κάτελθε καὶ σεαυτὴν φέρε. Gu.