Scholia in Euclidis optica (scholia vetera)

82. Ἡ Σ τῆς Β γωνίας μείζων p. 94, 11 ἡ πρὸς τῷ Σ γωνία μείζων τῆς πρὸς τῷ Β, ἐπειδὴ παντὸς τριγώνου ἡ ἐκτὸς γωνία ἴση ἐστὶ δυσὶ ταῖς ἐντὸς καὶ ἀπεναντίον, τριγώνου δὲ τοῦ ΔΒΣ ἐκτός ἐστιν ἡ πρὸς τῷ Σ γωνία.

83. Ἴσα φανήσεται p. 96, 19 καθʼ ὁποιονοῦν γὰρ μέρος τῆς Ζ∠ τιθεμένου τοῦ ὄμματος ἴσαι γωνίαι γίνονται αἱ πρὸς τῷ ὄμματι· ἴσα γὰρ τρίγωνα καὶ ὅμοια γίνεται τὰ ΑΒΘ, ΘΒΓ. καὶ αἱ βάσεις αἱ ΑΘ, ΘΓ ἴσαι καὶ αἱ γωνίαι ἴσαι.

84. Μείζων ἄρα p. 98, 1 διότι ὑπὸ μείζονος γωνίας ὁρᾶται τῆς ὑπὸ ΑΕΒ τῆς ὑποτεινομένης ὑπὸ τῆς Α∠Η περιφερείας.

85. Ἐπὶ τῆς ΕΗ p. 98, 2 κἂν καθʼ ὁτιοῦν, φησίν, μέρος τῆς ΕΗ τίθηται τὸ ὄμμα, ισα φανήσεται.

86. Τῆς πρὸς ὀρθάς p. 98, 3 τοῦ Ζ δηλονότι καὶ ∠.

87. Ἴσα δὲ φανήσεται p. 98, 22 δυνατὸν γὰρ ἐπὶ τῶν ΒΓ, ΓΔ καὶ ἀμφοτέρων γράψαι μείζονα τμήματα ἡμικυκλίων, ἅτινα οὐ τεμοῦσιν ἄλληλα, ἀλλʼ ἐφάψονται κατὰ τὸ Γ σημεῖον.

88. Προηγούμενον p. 108, 9 ἀντὶ τοῦ ἐγγύτερον εἶναι δοκεῖ τῷ Ν σημείῳ ἤτοι πορρώτερον τοῦ Σ σημείου.

89. Μείζων ἡ ∠ γωνία p. 112, 10 διὰ τὸ κα΄ τοῦ αʹ τῶν Στοιχείων.