Apotelesmatica
Manetho Astrologus
Manetho. Apotelesmaticorum qui feruntur libri VI. Koechly, Hermann, editor. Leipzig: Teubner, 1858.
- ἐν συνόδῳ, βασιλεῦ, μεγάλους παρέχει βασιλῆας·
- αὐτίκα δʼ ἐν συνόδῳ Μακεδὼν βασιλεὺς ἐγενήθη,
- ὅν πινυταῖς πραπίδεσσιν ὁμοῦ σκήπτροις ἀνέδειξαν·
- καὶ σὺ δέ γʼ ἐν συνόδῳ, ἀλλ’ οὐκ αὐτῇ ἐνὶ ὥρῃ.
- Ἠέλιος σατράπας μεσσουρανέων ἐπιδείξει,
- καὶ στρατιῆς Ἄρης ἡγήτορας οἷς ἐνὶ οἴκοις,
- ἐν δʼ Ἄρεως οἴκοις καὶ Ζεὺς ἀπέφηνε δικαστάς·
- καὶ τούτων δὲ ἕκαστος, ὅτʼ ἂν ἐπίκεντρα τὰ φῶτα,
- ἢν δʼ ἀτόνως λεύσειε, συνεξώλισθεν ἅπαντα. [*](3)
- Ὡς ὅτʼ ἂν ἐν μεγάλοις τοῖς σχήμασικαλὸν ἀθρήσῃ
- ἀστὴρ ἀργαλέος, ὑπὸ βασκάνῳ ὄμματι θραύει,
- οὕτως ἀργαλέοις ἀστὴρ καλὸς ὄμματ’ ἐποίσει
- ἢ τετράγωνος ἐὼν τοῖς σχήμασιν ἢ διάμετρος. [*](4)
- Ἀντολίην ζητῶν καὶ τὴν φάσιν ἐν συναφῇσιν,
- νυκτερινὸν δείμαινε Κρόνον καὶ ἑῷον Ἄρηα·
- ἀρχαὶ γὰρ τούτῳ πάμπαν τελέθουσιν ἀηδεῖς.
- ὡς πυρὸς αἰθομένου στυγεραὶ φλόγες εἰσὶν ἐν ὕλῃ
- λάβῤ ἐπιγινομένου --- --- καὶ σβέννυται εὐθὺ παῤ ἀκμήν, ---
- ἢν δʼ ἐσίδῃ Παφίην, οὐ μαίνεται, ἀλλὰ κενοῦται.
- τοῦ δὲ Κρόνουτάρβει αἰεὶ κατὰ πάντα τελευτήν·
101