Epistulae

Libanius

Libanius. Libanius Opera, Vol 10-11. Foerster, Richard, editor. Leipzig: Teubner, 1921-1963.

ἐγὼ δὲ οὓς μὲν ἔνεστιν ἐξαπατᾶν, πρὸς μὲν τούτους φημὶ καὶ γράμματα λαμβάνειν· ὑφ’ ὧν δ’ ἂν ἐλεγχοίμην, εἰ προσποιοίμην, λέγω σοὶ μὲν προσ- ήκειν πράττειν, ἐμαυτῷ δὲ γράφειν· λέγειν δὲ οὐδὲν ἰσχυρὸν δοκῶ.

φέρων δὲ οὐδὲ πρὸ τοῦ ταυτηνὶ τὴν ζημίαν μετρίως, ἀφ’ οὗ Κλημάτιον μὲν ᾐσθόμην ἀφῖχθαι, λαβεῖν δὲ οὐδ’ οὕτως ἐδυνήθην ἐπιστολήν, οὐδ’ ἂν εἴποιμι ῥᾳδίως ὡς ἠνιά- θην. ὁ γὰρ ἄνθρωπος ἐκεῖνος εὐθὺς ἰδών σε τοῦτό μοι πρά- ξειν ἔφη καὶ ἐψεύσατο· εἰ μὲν ἐκλαθόμενος, εἰσὶν ἐλπίδες· εἰ δ’ οὐδὲν παρείς, ἀλλ’ οὐκ ἐρῶ τι δυσχερές.

Λητόιος δὲ τῶν ταὐτά μοι περὶ σὲ φρονούντων ἐστί· καὶ γὰρ εὖ πράττειν σε βούλοιτ’ ἂν καὶ ὅστις ἐπαινεῖ σε, τούτῳ φίλος. συνεύχεται δὲ σοὶ μὲν οὗτος, τούτῳ δὲ ἡ πόλις, ἣν οὐδὲν οὐδεπώποτε λυπήσας πολλάκις ἀπὸ τῆς πατρῴας οὐσίας εὔφρανεν.

ὡς ἂν οὖν ἐν τούτῳ τὸ κοινὸν ἡμῖν τιμήσων χαίροντα ἀπόπεμπε τὸν ἄνδρα.

[*](1 γ', σμη'. Va ς', ξβ'. Vo ς', ξβ'. D πγ')[*](2 Sievers 219, 3. Seeck 94. 334 10 Seeck 111 14 cf. ep. 665. Seeck 197 19 cf. ep. 608)[*](2 οὐρβανῶ D 8 μὲν inserui, ut inser V4 om VaVoD Wolf 4 μὴ δὲ V sed (1) add et δὲ in ras m5, VoD | πρᾶγμα inser V5 5 ἐστιν V 7 ὑφ’ scripsi cum Re ἐφ’ libri Wolf | προσποιούμην VaVo sed in hoc ν in ι corr | προσήκει D 9 προτοῦ D 10 οὐδὲ VaVo Wolf 11 ἠδυνήθην VoD Wolf | ἠνιάθη D 18 οὖν post μὲν D 16 ταῦτα V sed in ταὐτά corr m2, Vo | σὲ V sed ὲ in ov corr m4 | ἐστιν Va σε VaVo | ἦν Va | οὐδὲν in marg inser V5 om D | οὐδὲ πώκοτε V VoD 18 ἤφρανεν D 19 οὖν inserui ut inser V4 δὲ D om VaVo Wolf 19 ἡμῖν — 20 ἄνδρα verba poetae suppicatur Dorvillius (Wolf Add 862) 19 τιμήσης VD | πέμπε VD)
522
[*](W 471)

φνζ΄.

Μυγδονίῳ. (357)

Ἶσον τι πεποίηκε Σπεκτάτος ὅτι με φιλεῖς ἐπιστείλας, ὥσπερ εἰ πρὸς ἐμὲ ἔλεγες. σὺ γὰρ Ἀθήνησί γε τὰ γονέων ἐπλήρωσας εἰς ἐμὲ καὶ διὰ τοῦτο μὲν πρῶτον μόνῳ ἐθάρρησα σοί. μάλιστα δέ, ἐπειδή, ὅτε διῆγον ἐν Βιθυνίᾳ τὸν σκηπτὸν ἐκεῖ ὂν ἐκφυγών, σὺ τοῖς ἐκβαλοῦσιν ἐπὶ Θρᾴκης ἐμάχου μό- νος ἐν μέσῳ πολλῶν ὑπὲρ τῶν δικαίων βοῶν.