Refutatio Omnium Haeresium (= Philosophumena)
Hippolytus
Hippolytus. Hippolytus Werke, Volume 3. Wendland, Paul, editor. Leipizg: Hinrichs, 1916.
τούτοις κατακολουθῶν Μαρκίων τὴν γένεσιν τοῦ σωτῆρος ἡμῶν παντάπασι παρῃτήσατο, ἄτοπον εἶναι νομίζων ὑπὸ τὸ πλάσμα τοῦ ὀλεθριωτάτου νείκους γεγονέναι τὸν λόγον τὸν τῇ φιλίᾳ συναγωνιζόμενον, τουτέστι τῷ ἀγαθῷ, ἀλλὰ χωρὶς γενέσεως »ἔτει πεντεκαιδεκάτῳ τῆς ἡγεμονίας Τιβερίου Καίσαρος« κατεληλυθότα αὐτὸν ἄνωθεν, μέσον ὄντα κακοῦ καὶ ἀγαθοῦ, διδάσκειν »ἐν ταῖς συναγωγαῖς«.
εἰ γὰρ μεσότης ἐστίν, ἀπήλλακται, φησί, πάσης τῆς τοῦ κακοῦ φύσεως· κακὸς δ᾿ ἐστίν, ὡς λέγει, ὁ δημιουργὸς καὶ τούτου τὰ ποιήματα. διὰ τοῦτο ἀγέννητος κατῆλθεν ὁ Ἰησοῦς, φησίν, ἵνα ᾖ πάσης ἀπηλλαγμένος κακίας. ἀπήλλακται δέ, φησί. καὶ τῆς τοῦ ἀγαθοῦ φύσεως, ἵνα ᾖ μεσότης, ὥς φησιν ὁ Παῦλος καὶ ὡς αὐτὸς ὁμολογεῖ·
τί με λέγετε ἀγαθόν; εἷς ἐστιν ἀγαθός«. ταῦτα μὲν οὖν τὰ Μαρκίωνι δόξαντα, δι’ ὡν ἐπλάνησε πολλοὺς τοῖς Ἐμπεδοκλέους λόγοις χρησάμενος καὶ τὴν ὑπ᾿ ἐκείνου ἐφηυρημένην φιλοσοφίαν ἰδίᾳ δόξῃ μετάγων αἵρεσιν ἄθεον συνεστήσατο·
ἣν ἱκανῶς ἠλέγχθαι ὑφ’ ἡμῶν νομίζω μηθέν τε καταλελεῖφθαι, ὡν κλεψιλογήσαντες παρ᾿ Ἑλλήνων τοὺς Χριστοῦ μαθητὰς ἐπηρεάζουσιν, ὡς τούτων αὐτοῖς γενομένους διδασκάλους. ἀλλ᾿ ἐπεὶ καὶ τὰ τούτου ἱκανῶς ἡμῖν δοκεῖ ἐκτεθεῖσθαι, ἴδωμεν τί λέγει Καρποκράτης.
[*](1 Fr. 131 D. — — 9 vgl. Filastrius C. 45. 4 S. 24, — 7 Μ. (vgl. C. 44, 2); Theodoret Ι 24 S. 376AMigne; Tert. Adv. haer. 6 S. 222, — 25 Kr. (Kerdon); Hilgenfeld S. 528 Anm. 870 — 6 — 10 Über den Eingang des Evangeliums Mar- cions s. Zahn, Gescb. des neutest. Kanons II 455f — 8 Luk. 3, 1 — 9 vgl. Iren. I 27, 2 S. 2161 H. — 10 Luk. 4, 15. — 15 Paulus] Rom. 8, 3 τὸν ἑαυτοῦ υἱὸν πέμψας ἐν ὁμοιώματι σαρκὸς ἁμαρτίας? Das Pauluscitat ß wie das folgende Citat sich auf τῆς τοῦ ἀγαθοῦ φύσεως beziehen; also kann Gal. 3, 19 oder I Tim. 2, 5 nicht gemeint sein. — 16 Mark. 10, 18; Luk. 18, 19; Matth. 19, 17 s. zu S. 84, 20 und Epiph. LXH Schul. 50)[*](1 εἰκάραι φημερίων Ρ 2 μελέτας μέλε <μέλε τοι> Diels 3 εὐχομένων Ρ, verb. Sehn. Philol VI 167 4 μακαρίων Ρ 7 ὀλεθριωτάτου Klost.: ὀλεθρίου τὰ τοῦ Ρ, ὀλεθρίου τούτου Miller 7f συναγονιζόμενον Ρ 8 γεννήσεως? Osener, Weihnachtsfest 2 S. 93 22 ἔτη πέντε καὶ δεκάτω Ρ 9 τηβερίου Ρ 11 μεσότης Ρ: μέσος τις ö., μεσίτης nach Gal. 3, 19 Bunsen 13 ἀγένητος Ρ 15 ἡ μεσότης Ρ: ᾐ μέσος τις ö., ᾐ μεσίτης Bunsen Roeper 16 εἱς] εἰ Ρ 19 ἤλεγχεν Ρ 28 <καὶ> Καρποκράτης Gö.)