Fall of Troy

Quintus Smyrnaeus

Quintus Smyrnaeus. Fall of Troy. Way, Arthur S., editor. London: W. Heinemann; New York: The Macmillan Co., 1913.

  1. καὶ τότʼ ἀπʼ Ἰδαίων ὀρέων φέρον ἄσπετον ὕλην
  2. αἰζηοί, πάντη δὲ νέκυν πέρι νηήσαντο·
  3. πολλὰ δʼ ἄρʼ ἀμφʼ αὐτῷ θῆκαν ξύλα, πολλὰ δὲ μῆλα
  4. φάρεά τʼ εὐποίητα βοῶν τʼ ἐρικυδέα φῦλα
  5. ἠδὲ καὶ ὠκυτάτοισιν ἀγαλλομένους ποσὶν ἵππους
  6. χρυσόν τʼ αἰγλήεντα καὶ ἄσπετα τεύχεα φωτῶν,
  7. ὅσσα πάρος κταμένων ἀποαίνυτο φαίδιμος ἀνήρ,
  8. ἤλεκτρόν τʼ ἐπὶ τοῖσι διειδέα, τόν ῥά τέ φασιν
  9. ἔμμεναι Ἠελίοιο πανομφαίοιο θυγατρῶν
  10. δάκρυ, τὸ δὴ Φαέθοντος ὑπὲρ κταμένοιο χέαντο
  11. μυρόμεναι μεγάλοιο παρὰ ῥόον Ἠριδανοῖο,
  12. καὶ τὸ μὲν Ἠέλιος γέρας ἄφθιτον υίέϊ τεύχων
  13. ἤλεκτρον ποίησε μέγα κτέαρ ἀνθρώποισι,
  14. τόν ῥα τότʼ εὐρυπέδοιο πυρῆς καθύπερθε βάλοντο
  15. Ἀργεῖοι κλυτὸν ἄνδρα δεδουπότα κυδαίνοντες
  16. Αἴαντʼ· ἀμφὶ δέ οἱ μέγαλα στενάχοντες ἔθεντο
  17. τιμήεντʼ ἐλέφαντα καὶ ἄργυρον ἱμερόεντα
  18. ἠδὲ καὶ ἀμφιφορῆας ἀλείφατος ἄλλα τε πάντα,
  19. ὁππόσα κυδήεντα καὶ ἀγλαὸν ὄλβον ὀφέλλει.
  20. ἐν δʼ ἔβαλον κρατεροῖο πυρὸς μένος· ἦλθε δὲ πνοιὴ