Panarion (Adversus Haereses)

Epiphanius

Epiphanius. Epiphanius, Volume 1-3. Holl, Karl, editor. Leipzig: Hinrichs, 1915-1933.

τὸ μὲν γὰρ βάπτισμα τοῦ φαινομένου Ἰησοῦ ἀφέσεως <εἶναι> ἁμαρτιῶν, τὴν δὲ ἀπολύτρωσιν τοῦ ἐν αὐτῷ Χριστοῦ εἰς τελείωσιν, καὶ τὸ μὲν ψυχικόν, τὴν δὲ πνευματικὴν εἶναι ὑφίστανται, καὶ τὸ μὲν βάπτισμα ὑπὸ Ἰωάννου κατηγγέλθαι εἰς μετάνοιαν, τὴν δὲ ἀπολύτρωσιν υπὸ Χριστοῦ κεκομίσθαι εἰς τελείωσιν.

καὶ τοῦτ᾿ εἶναι περὶ οὗ λέγει »καὶ ἄλλο βάπτισμα ἔχω βαπτισθῆναι, καὶ πάνυ ἐπείγομαι εἰς αὐτό«. ἀλλὰ καὶ τοῖς υἱοῖς Ζεβεδαίου, τῆν μητρὸς αὐτῶν αἰτουμένης τὸ καθίσαι αὐτοὺς ἐκ δεξιῶν καὶ ἐξ ἀριστερῶν μετ’ αὐτοῦ εἰς τὴν βασιλείαν, ταύτην προσθεῖναι τὴν ἀπολύτρωσιν τὸν κύριον λέγουσιν, εἰπόντα »δύνασθε τὸ βάΠτισμα βαπτισθῆναι, ὃ ἐγὼ μέλλω βαπτίζεσθαι;«

καὶ τὸν Παῦλον ῥητῶς φάσκουσι τὴν ἐν Χριστῷ Ἰησοῦ ἀπολύτρωσιν πολλάκις μεμηνυκέναι, καὶ εἶναι ταύτην τὴν ὑπ᾿ αὐτῶν ποικίλως καὶ ἀσυμφώνως παραδιδομένην.

[*](17 vgl. Luk. 12, 50 — 21 Matth. 20, 20)[*](V M lat.)[*](1f † τῶν ἀκρατήτων καὶ ἀοράτων Μητέρα] incomprehensibilium et invisibilium mater lat.; altes Verderbnis, lies <ἐκ> τῆς ἀκρατήτου καὶ ἀοράτου Μητρὸς 2 vor οὐχ ἁπλῶς wohl ausgefallen <διὸ> * 3 ἕνα Ausgg.] ἕν V M umisquisque 5 μὲν < lat. 6 ἀπόθεσιν] destructionem lat. | ὑποβέβληται] remissa est 8 προσήκοντι] aptiorilat. 9 εἰληφό///σιν, ο aus ω Vcorr εἰληφῶσιν Μ 10f ἀδύνατον + nobis lat. 11 <εἶναι> *] esse lat. | ἡ hineingeflickt Vcorr 11f τὸ βάθος τοῦ βυθοῦ Ausgg.] εἰς τὸ βάθου V εἰς τὸ βάθος Μ in profundum Bythi lat. 12 μὲν γὰρ] et . . quidem lat. 13 ἀφέσεως] in remisslonem lat. | <εἶναι> Ausgg.] esse lat. | ἀπολύτρωσιν + esse lat. 13f κατελθόντος *] Χριστοῦ κατελθόντος V M 14 Χριστοῦ] Spiritus lat. 15 ὑπὸ aus ἀπὸ Vcorr 16 Χριστοῦ] Χριστοῦ] eins qui in eo est Christi lat. 17 καὶ2 < 19 τὸ καθίσαι] ut sedere faceret lat.)
36

20. Οἱ μὲν γὰρ αὐτῶν νυμφῶνα κατασκευάζουσι καὶ μυσταγωγίαν ἐπιτελοῦσι μετ᾿ ἐπιρρήσεών τινων τοῖς τελουμένοις καὶ πνευματικὸν γάμον φάσκουσιν εἶναι τὸ ὑπ᾿ αὐτῶν γινόμενον κατὰ τὴν ὁμοιότητα τῶν ἄνω συζυγιῶν·

οἱ δὲ ἄγουσιν ἐφ᾿ ὕδωρ καὶ βαπτίζοντες οὕτως ἐπιλέγουσιν »εἰς ὄνομα ἀγνώστου πατρὸς τῶν ὅλων, εἰς Ἀλήθειαν μητέρα > πάντων, εἰς τὸν κατελθόντα εἰς Ἰησοῦν εἰς ἕνωσιν καὶ ἀπολύτρωσιν καὶ κοινωνίαν τῶν δυνάμεων«.