Sententiae (corresponds to version Men Ar I) (Greek)

ἤθη τὰ πάντων ἐν χρόνῳ πειράζεται (Mon 573 M/320 J).

θυμὸν φυλάττου· τὸ φρονεῖν γὰρ οὐκ ἔχει (Mon 574 M/355 J).

θυμοῦ κρατῆσαι κἀπιθυμίας καλόν (Mon 254 M/348 J).

ἰδίας νόμιζε τῶν φίλων τὰς συμφοράς (Mon 263 M/370 J).

ἴσος ἴσθι πᾶσι κἂν ὑπερβάλλῃς πλούτῳ (Mon 358 Var. J).

καλῶς πένεσθαι μᾶλλον ἢ πλουτεῖν κακῶς (Mon 300 M/421 J).

λίαν φιλῶν σεαυτὸν οὐχ ἕξεις φίλον (Mon 310 M/431 J).

λιμὴν πέφυκε πᾶσι παιδεία βροτοῖς (Mon 312 M/436 J).

μηδέποτε δοῦλον ἡδονῆς σαυτὸν ποίει (Mon 578 M/512 J).