Ecclesiasticus sive Siracides (Sapientia Jesu filii Sirach)

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  1. μὴ εἴπῃς Τίς ἐστίν μου χρεία,
  2. καὶ τίνα ἀπὸ τοῦ νῦν ἔσται μου τὰ ἀγαθά;
  1. μὴ εἴπῃς Αὐτάρκη μοί ἐστιν,
  2. καὶ τί ἀπὸ τοῦ νῦν κακωθήσομαι ;
  1. ἐν ἡμέρᾳ ἀγαθῶν ἀμνησία κακῶν,
  2. καὶ ἐν ἡμέρᾳ κακῶν οὐ μνησθήσεται ἀγαθῶν·
  1. ὅτι κοῦφον ἔναντι Κυρίου ἐν ἡμέρᾳ τελευτῆς
  2. ἀποδοῦναι ἀνθρώπῳ κατὰ τὰς ὁδοὺς αὐτοῦ.
  1. κάκωσις ὥρας ἐπιλησμονὴν ποιεῖ τρυφῆς,
  2. καὶ ἐν συντελείᾳ ἀνθρώπου ἀποκάλυψις ἔργων αὐτοῦ.
  1. πρὸ τελευτῆς μὴ μακάριζε μηδένα,
  2. καὶ ἐν τέκνοις αὐτοῦ γνωσθήσεται ἀνήρ.
  1. Μὴ πάντα ἄνθρωπον εἴσαγε εἰς τὸν οἶκόν σου·
  2. πολλὰ γὰρ τὰ ἔνεδρα τοῦ δολίου.
[*](U+05D0AC)[*](14 πτωχια C 17 δοσεις A | ευσεβεσιν] ευλαβεσιν U+05D0c.a | ευοδωθη- σεται] ευ δοθησεται 18 πλουτων] υ sup ras Aa | του μισθου] pr απο U+05D0* (om απο U+05D0c.a) 21 πιστευε] + δε U+05D0A | τω κυριω] om τω U+05D0A | πλουτησοι A 22 εν μισθω] εμμεσω A 23 μου 2⁰] μοι U+05D0* (μου U+05D0c.a) | τα αγαθα] om τα U+05D0* (hab τα U+05D0c.a) 25 αγαθων] αγαθη A 26 εναντι] εν οφθαλμοις A 27 αποκαλυψεις U+05D0A 28 om ανηρ A)
667
  1. πέρδιξ θηρευτὴς ἐν καρτάλλῳ·
  2. οὕτως καρδία ὑπερηφάνου,
  3. καὶ ὡς ὁ κατάσκοπος ἐπιβλέπει πτῶσιν.
  1. τὰ γὰρ ἀγαθὰ εἰς κακὰ μεταστρέφων ἐνεδρεύει,
  2. καὶ ἐν τοῖς αἱρετοῖς ἐπιθήσει μῶμον.
  1. ἀπὸ σπινθῆρος πυρὸς πληθυνθήσεται ἀνθρακιά,
  2. καὶ ἄνθρωπος ἁμαρτωλὸς εἰς αἷμα ἐνεδρεύει.
  1. πρόσεχε ἀπὸ κακούργου, πονηρὰ γὰρ τεκταίνει,
  2. μὴ ποτε μῶμον εἰς τὸν αἰῶνα δῷ σοι.
  1. ἐνοίκισον ἀλλότριον, καὶ διαστρέψει σε ἐν ταραχαῖς
  2. καὶ ἀπαλλοτριώσει σε τῶν ἰδίων σου.
  1. ἐὸν εὖ ποιῆς, γνῶθι τίνι ποιεῖς,
  2. καὶ ἔσται χάρις τοῖς ἀγαθοῖς σου.
  1. εὖ ποίησον εὐσεβεῖ, καὶ εὑρήσεις ἀνταπόδομα,
  2. καὶ εἰ μὴ παρὰ αὐτοῦ, ἀλλὰ παρὰ Ὑψίστου.
  1. οὐκ ἔστιν ἀγαθὰ τῷ ἐνδελεχίζοντι εἰς κακὰ
  2. καὶ τῷ ἐλεημοσύνην μὴ χαριζομένῳ.
  1. δὸς τῷ εὐσεβεῖ, καὶ μὴ ἀντιλάβῃ τοῦ ἁμαρτωλοῦ.
  1. εὖ ποίησον τῷ ταπεινῷ καὶ μὴ δῷς ἀσεβεῖ
  2. ἐμπόδισον τοὺς ἄρτους αὐτοῦ καὶ μὴ δῷς αὐτῷ,
  3. ἵνα μὴ ἐν αὐτοῖς σε δυναστεύσῃ·
  4. (7)διπλάσια γὰρ κακὰ εὑρήσεις
  5. ἐν πᾶσιν ἀγαθοῖς οἷς ἂν ποιήσῃς αὐτῷ.
  1. ὅτι καὶ ὁ ὕψιστος ἐμίσησεν ἁμαρτωλούς,
  2. καὶ τοῖς ἀσεβέσιν ἀποδώσει ἐκδίκησιν.
  1. δὸς τῷ ἀγαθῷ, καὶ μὴ ἀντιλάβῃ τοῦ ἁμαρτωλοῦ.
  1. Οὐκ ἐκδικηθήσεται ἐν ἀγαθοῖς ὁ φίλος,
  2. καὶ οὐ κρυβήσεται ἐν κακοῖς ὁ ἐχθρός.