Proverbia
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- μερὶς ἐπισπουδαζομένη ἐν πρώτοις
- ἐν τοῖς τελευταίοις οὐκ εὐλογηθήσεται.
- μὴ εἴπῃς Τίσομαι τὸν ἐχθρόν·
- ἀλλὰ ὑπόμεινον τὸν κύριον, ἵνα σοι βοηθήσῃ.
455
- στάθμιον μέγα καὶ μικρὸν καὶ μέτρα δισσά, [*](B)
- ἀκάθαρτα ἐνώπιον Κυρίου καὶ ἀμφότερα·
- καὶ ὁ ποιῶν αὐτὰ ἐν τοῖς ἐπιτηδεύμασιν αὐτοῦ
- συνποδισθήσεται,
- νεανίσκος μετὰ ὁσίου· καὶ εὐθεῖα ἡ ὁδὸς αὐτοῦ.
- οὖς ἀκούει καὶ ὀφθαλμὸς ὁρᾷ· Κυρίου ἔργα καὶ ἀμφότερα,
- μὴ ἀγάπα καταλαλεῖν, ἵνα μὴ ἐξαρθῇς·
- διάνοιξον τοὺς ὀφθαλμούς σου καὶ ἐμπλήσθητι ἄρτων.
- βδέλυγμα Κυρίῳ δισσὸν στάθμιον,
- καὶ ζυγὸς δόλιος οὐ καλὸν ἐνώπιον αὐτοῦ.
- παρὰ Κυρίου εὐθύνεται τὰ διαβήματα ἀνδρί,
- θνητὸς δὲ πῶς ἂν νοήσαι τὰς ὁδοὺς αὐτοῦ;
- παγὶς ἀνδρὶ ταχύ τι τῶν ἰδίων ἁγιάσαι,
- μετὰ γὰρ τὸ εὔξασθαι μετανοεῖν γίνεται.
- λικμήτωρ ἀσεβῶν βασιλεὺς σοφός,
- καὶ ἐπιβαλεῖ αὐτοῖς τροχόν.
- φῶς Κυρίου πνοὴ ἀνθρώπων,
- ὃς ἐραυνᾷ ταμεῖα κοιλίας.
- ἐλεημοσύνη καὶ ἀλήθεια φυλακὴ βασιλεῖ,
- καὶ περικυκλώσουσιν ἐν δικαιοσύνῃ τὸν θρόνον αὐτοῦ.
- κόσμος νεανίαις σοφία,
- δόξα δὲ πρεσβυτέρων πολιαί.
- ὑπώπια καὶ συντρίμματα συναντᾷ κακοῖς,
- πληγαὶ δὲ εἰς ταμεῖα κοιλίας.
- πᾶς ἀνὴρ φαίνεται ἑαυτῷ δίκαιος,
- κατευθύνει δὲ καρδίας Κύριος.
- ποιεῖν δίκαια καὶ ἀληθεύειν
- ἀρεστὰ παρὰ θεῷ μᾶλλον ἢ θυσιῶν αἷμα.
- μεγαλόφρων ἐφʼ ὕβρει θρασυκάρδιος·
- λαμπτὴρ δὲ ἀσεβῶν ἁμαρτία.
456
[*](B)- ὁ ἐνεργῶν θησαυρίσματα γλώσσῃ ψευδεῖ
- μάταια διώκει ἐπὶ παγίδας θανάτου.
- ὄλεθρος ἀσεβέσιν ἐπιξενωθήσεται,
- οὐ γὰρ βούλονται πράσσειν τὰ δίκαια.