Proverbia
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- Ὅσον ἂν χρόνον ἄκακοι ἔχωνται τῆς δικαιοσύνης, οὐκ αἰσχυνθήοἱ
- δὲ ἄφρονες, τῆς ὕβρεως ὄντες ἐπιθυμηταί,
- ἀσεβεῖς γενόμενοι ἐμίσησαν αἴσθησιν,
- καὶ ὑπεύθυνοι ἐγένοντο ἐλέγχοις.
- ἰδοὺ προήσομαι ὑμῖν ἐμῆς πνοῆς ῥῆσιν,
- διδάξω δὲ ὑμᾶς τὸν ἐμὸν λόγον.
418
[*](B)- ἐπειδὴ ἐκάλουν καὶ οὐχ ὑπηκούσατε,
- καὶ ἐξέτεινον λόγους καὶ οὐ προσείχετε,
- ἀλλὰ ἀκύρους ἐποιεῖτε ἐμὰς βουλάς,
- τοῖς δὲ ἐμοῖς ἐλέγχοις ἠπειθήσατε·
- τοιγαροῦν κἀγὼ τῇ ὑμετέρᾳ ἀπωλείᾳ ἐπιγελάσομαι,
- καταχαροῦμαι δὲ ἡνίκα ἂν ἔρχηται ὑμῖν ὄλεθρος.
- καὶ ὡς ἂν ἀφίκηται ὑμῖν ἄφνω θόρυβος,
- ἡ δὲ καταστροφὴ ὁμοίως καταιγίδι παρῇ.
- καὶ ὅταν ἔρχηται ὑμῖν θλίψις καὶ πολιορκία,
- ἢ ὅταν ἔρχηται ὑμῖν ὄλεθρος.
- ἕσται γὰρ ὅταν ἐπικαλέσησθέ με, ἐγὼ δὲ οὐκ εἰσακούσομαι ὑμῶν·
- ζητήσουσίν με κακοί, καὶ οὐχ εὑρήσουσιν.
- ἐμίσησαν γὰρ σοφίαν, τὸν δὲ λόγον τοῦ κυρίου οὐ προείλαντο,
- οὐδὲ ἤθελον ἐμαῖς προσέχειν βουλαῖς,
- ἐμυκτήριζον δὲ ἐμοὺς ἐλέγχους.
- τοιγαροῦν ἔδονται τῆς ἑαυτῶν ὁδοῦ τοὺς καρπούς,
- καὶ τῆς ἑαυτῶν ἀσεβείας πλησθήσονται·
- ἀνθʼ ὧν γὰρ ἠδίκουν νηπίους φονευθήσονται,
- καὶ ἐξετασμὸς ἀσεβεῖς ὀλεῖ
- ὁ δὲ ἐμοῦ ἀκούων κατασκηνώσει ἐπʼ ἐλπίδι,
- καὶ ἡσυχάσει ἀφόβως ἀπὸ παντὸς κακοῦ.
- Υἱέ, ἐὰν δεξάμενος ῥῆσιν ἐμῆς ἐντολῆς κρύψῃς παρὰ σεαυτῷ,
- ὑπακούσεται σοφίας τὸ οὗς σου,
- καὶ παραβαλεῖς καρδίαν σου εἰς σύνεσιν,
- παραβαλεῖς δὲ αὐτὴν ἐπὶ νουθέτησιν τῷ υἱῷ σου.
- ἐὰν γὰρ τὴν σοφίαν ἐπικαλέσῃ
- καὶ τῇ συνέσει δῷς φωνήν σου,
- καὶ ἐὰν ζητήσῃς αὐτὴν ὡς ἀργύριον
- καὶ ὡς θησαυροὺς ἐξεραυνήσῃς αὐτήν·
419
- τότε συνήσεις φόβον Κυρίου, [*](Β)
- καὶ ἐπίγνωσιν θεοῦ εὑρήσεις.
- ὅτι Κύριος δίδωσιν σοφίαν,
- καὶ ἀπὸ προσώπου αὐτοῦ γνῶσις καὶ σύνεσις·
- καὶ θησαυρίζει τοῖς κατορθοῦσι σωτηρίαν,
- ὑπερασπιεῖ τὴν πορείαν αὐτῶν ⁸τοῦ φυλάξαι ὁδοὺς
- δικαιωμάτων,
- καὶ ὁδὸν εὐλαβουμένων αὐτὸν διαφυλάξει