Septuaginta. The Old Testament in Greek According to the Septuagint.
Volume 2: I Chronicles-Tobit. Swete, Henry Barclay, editor. Cambridge: Cambridge University Press,
1896.
διὰ τοῦτο ἤκουσεν Κύριος καὶ ἀνεβάλετο,
καὶ πῦρ ἀνήφθη ἐν Ἰακώβ,
καὶ ὀργὴ ἀνέβη ἐπὶ τὸν Ἰσραήλ·
ὅτι οὐκ ἐπίστευσαν ἐν τῷ θεῷ,
οὐδὲ ἤλπισαν ἐπὶ τὸ σωτήριον αὐτοῦ.
καὶ ἐνετείλατο νεφέλαις ὑπεράνωθεν,
καὶ θύρας οὐρανοῦ ἠνέῳξεν·
καὶ ἔβρεξεν αὐτοῖς μάννα φαγεῖν,
καὶ ἄρτον οὐρανοῦ ἔδωκεν αὐτοῖς·
ἄρτον ἀγγέλων ἔφαγεν ἄνθρωπος,
ἐπισιτισμὸν ἀπέστειλεν αὐτοῖς εἰς πλησμονήν.
καὶ ἐπῆρεν νότον ἐξ οὐρανοῦ,
καὶ ἐπήγαγεν ἐν τῇ δυναστίᾳ αὐτοῦ λίβα,
καὶ ἔβρεξεν ἐπʼ αὐτοὺς ὡσεὶ χοῦν σάρκας,
καὶ ὁὡσεὶ ἄμμον θαλασσῶν πετεινὰ πτερωτά·
καὶ ἐπέπεσον εἰς μέσον τῆς παρεμβολῆς αὐτῶν,
κύκλῳ τῶν σκηνωμάτων αὐτῶν.
καὶ ἐφάγοσαν καὶ ἐνεπλήσθησαν σφόδρα,
καὶ τὴν ἐπιθυμίαν αὐτῶν ἤνεγκεν αὐτοῖς.
οὐκ ἐστερήθησαν ἀπὸ τῆς ἐπιθυμίας αὐτῶν·
ἔτι τῆς βρώσεως αὐτῶν οὔσης ἐν τῷ στόματι αὐτῶν,
καὶ ὀργὴ τοῦ θεοῦ ἀνέβη ἐπʼ αὐτοὺς
καὶ ἀπέκτεινεν ἐν τοῖς πλείοσιν αὐτῶν,
καὶ τοὺς ἐκλεκτοὺς τοῦ Ἰσραὴλ συνεπόδισεν.
ἐν πᾶσιν τούτοις ἥμαρτον ἔτι,
καὶ οὐκ ἐπίστευσαν τοῖς θαυμασίοις αὐτοῦ·
καὶ ἐξέλιπον ἐν ματαιότητι αἱ ἡμέραι αὐτῶν,
καὶ τὰ ἔτη αὐτῶν μετὰ σπουδῆς.
ἄταν ἀπέκτεννεν αὐτοὺς ἐζήτουν αὐτόν,
καὶ ἐπέστρεφον καὶ ὥρθριζον πρὸς τὸν θεόν·
καὶ ἐμνήσθησαν ὅτι ὁ θεὸς βοηθὸς αὐτῶν ἐστιν,
καὶ ὁ θεὸς ὁ ὕψιστος λυτρωτὴς αὐτῶν ἐστιν.
[*](U+05D0RΤ)[*](22 om εν τω θεω ουδε ηλπισαν R 23 ανεωξεν BᵃᵇU+05D0RΤ 24 om και 2⁰ R 26 omI και 1⁰ U+05D0RT | επηρεν] απηρεν Bᵃᵇ U+05D0RT | om εν R* | δυναστια (δυναστεια Bᵃᵇ)] δυναμει 27 χουν] χνουν U+05D0 Τ 28 επε- πεσον BU+05D0c.ᵃ R] επεσον U+05D0* επεπεσεν T 29 εφαγοσαν] εφαγον U+05D0RΤ ηνεγκεν] εδωκεν U+05D0* (ην. U+05D0c.ᵃ ) 30 om ουτων 2⁰ U+05D0c.ᵃT 32 πασι Τ U+05D0* (πασιν U+05D0c.ᵃ RT | τοις θαυμασιοις] pr εν U+05D0RT 33 εξελειπον T 34 απεκτενεν B?ᵛⁱᵈ | εζητουν] τοτε εξεζητουν U+05D0RT 35 om ο θεος (2⁰) U+05D0* (hab U+05D0c.ᵃ ))