Psalmi

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  • ἄκακοι καὶ εὐθεῖς ἐκολλῶντό μοι, ὅτι ὑπέμεινά σε, Κύριε.

  • λύτρωσαι, ὁ θεός, τὸν Ἰσραὴλ ἐκ πασῶν τῶν θλίψεων αὐτοῦ.

    • [*](8 ευθυς A 9 om διδαξει πραεις οδους αυτου B* hab Bᵃᵇ ᵐᵍ inf U+05D0A (post U+05D0ARU διδ. ras 1 lit [forte ς] A?) RU (ουδους) 10 εκζητουσι 11 ενεκεν RU | ιλαση] ιλασθητι RU | ταις αμαρτιαις R* (τη αμαρτια R1) | εστι U 13 γην] pr την U) 14 των φοβου (1⁰) sup ras A¹ | om και το ονομα... αυτον Bᵇ ᵛⁱᵈ (non inst) U+05D0 | φοβουμενων 2⁰] επικαλουμενων A | του δηλωσαι] δηλωσει U+05D0c.a δηλωσαι U 15 εκπασει A | πακιδος U+05D0 16 εγω ειμι R 17 επληθυνθησαν] επλατυνθησαν | εξαγαγε] ρυσαι R 18 την ταπενωσει U 19 επληθυνθησαν] επλατυνθησαν U 20 ελπισα U 21 εκολλωτο R* (εκολλωντο Bᵃ) | om Κυριε U+05D0 22 την Ιηλ U — Stich 44 B 45 A 43 U+05D0R)
    [*](B)
    242
  • Τοῦ Δαυείδ.

  • Κρῖνόν με, Κύριε, ὅτι ἐγὼ ἐν ἀκακίᾳ μου ἐπορεύθην,
  • καὶ ἐπὶ τῷ κυρίῳ ἐλπίζων οὐ μὴ σαλευθῶ.

  • δοκίμασόν με, Κύριε, καὶ πείρασόν με,
  • πύρωσον τοὺς νεφρούς μου καὶ τὴν καρδίαν μου.

  • ὅτι τὸ ἔλεός σου κατέναντι τῶν ὀφθαλμῶν μού ἐστιν,
  • καὶ εὐηρέστησα ἐν τῇ ἀληθείᾳ σου.

  • οὐκ ἐκάθισα μετὰ συνεδρίου ματαιότητος,
  • καὶ μετὰ παρανομούντων οὐ μὴ εἰσέλθω.

  • ἐμίσησα ἐκκλησίαν πονηρευομένων,
  • καὶ μετὰ ἀσεβῶν οὐ μὴ καθίσω.

  • νίψομαι ἐν ἀθῴοις τὰς χεῖράς μου,
  • καὶ κυκλώσω τὸ θυσιαστήριόν σου·

  • τοῦ ἀκοῦσαι φωνὴν αἰνέσεως,
  • καὶ διηγήσασθαι πάντα τὰ θαυμάσιά σου.

  • Κύριε, ἠγάπησα εὐπρεπίαν οἴκου σου
  • καὶ τόπαν σκηνώματος δόξης σου.

  • μὴ συναπολέσῃς μετὰ ἀσεβῶν τὴν ψυχήν μου.
  • καὶ μετὰ ἀνδρῶν αἱμάτων τὴν ζωὴν μου·

  • ὧν ἐν χερσὶν ἀνομίαι,
  • ἡ δεξιὰ αὐτῶν ἐπλήσθη δώρων.

  • ἐγὼ δὲ ἐν ἀκακίᾳ μου ἐπορεύθην·
  • λύτρωσαί με καὶ ἐλέησόν με.

  • ὁ γὰρ πούς μου ἔστη ἐν εὐθύτητι·
  • ἐν ἐκκλησίαις εὐλογήσω σε, Κύριε.