Septuaginta. The Old Testament in Greek According to the Septuagint.
Volume 2: I Chronicles-Tobit. Swete, Henry Barclay, editor. Cambridge: Cambridge University Press,
1896.
χεῖρας ἔχουσιν καὶ οὐ ψηλαφήσουσιν,
πόδας ἔχουσιν καὶ οὐ περιπατήσουσιν·
οὐ φωνήσουσιν ἐν τῷ λάρυγγι αὐτῶν.
ὅμοιοι αὐτοῖς γένοιντο οἱ ποιοῦντες αὐτὰ
καὶ πάντες οἱ πεποιθότες ἐπʼ αὐτοῖς.
οἶκος Ἰσραὴλ ἤλπισεν ἐπὶ Κύριον·
βοηθὸς αὐτῶν καὶ ὑπερασπιστὴς αὐτῶν ἐστιν.
οἶκος Ἀαρὼν ἤλπισεν ἐπὶ Κύριον·
βοηθὸς αὐτῶν καὶ ὑπερασπιστὴς αὐτῶν ἐστιν.
οἱ φοβούμενοι τὸν κύριον ἤλπισαν ἐπʼ αὐτόν·
βοηθὸς αὐτῶν καὶ ὑπερασπιστὴς αὐτῶν ἐστιν.
Κύριος ἐμνήσθη ἡμῶν καὶ εὐλόγησεν ἡμᾶς,
εὐλόγησεν τὸν οἶκον Ἰσραήλ,
εὐλόγησεν τὸν οἶκον Ἀαρών·
εὐλόγησεν τοὺς φοβουμένους τὸν κύριον,
τοὺς μικροὺς μετὰ τῶν μεγάλων.
προσθείη Κύριος ἐφʼ ὑμᾶς,
ἐφʼ ὑμᾶς καὶ ἐπὶ τοὺς υἱοὺς ὑμῶν·
εὐλογημένοι ὑμεῖς ἐστε τῷ κυρίῳ,
τῷ ποιήσαντι τὸν οὐρανὸν καὶ τὴν γῆν.
ὁ οὐρανὸς τοῦ οὐρανοῦ τῷ κυρίῳ,
τὴν δὲ γῆν ἔδωκεν τοῖς υἱοῖς τῶν ἀνθρώπων.
οὐχ οἱ νεκροὶ αἰνέσουσίν σε, Κύριε,
οὐδὲ πάντες οἱ καταβαίνοντες εἰς ἅδου·
ἀλλ᾿ ἡμεῖς οἱ ζῶντες εὐλογήσωμεν τὸν κύριον
ἀπὸ τοῦ νῦν καὶ ἕως τοῦ αἰῶνος.
[*](13 λαλησουσιν ART 15 φωνησωσιν T 16 αυτοις 1⁰] αυτων ART AT | οι ποιουντες] pr παντες RT | επ] εν R 17 om αυτων 1⁰ U+05D0c.aAT | υπερασπις R (item 18, 19) 18 om αυτων 1⁰ U+05D0c.a AT 19 τον κυριον] om τον A | επ αυτον] επι κν ART | om αυτων 1⁰ U+05D0c.a AT 20 εμνησθη ημων και] μνησθεις ημων U+05D0c.a (-θις) AT 21 τους φοβοομενους] pr παντας R | των μεγαλων] μεγαλους R 22 υμας 1⁰] ημας A 23 om εστε (εσται U+05D0*) U+05D0c.a ART | του ποιησαντος R 24 τω ουρανω AR 25 ουχι T 26 ευλογησομεν Rfort — Stich 48 U+05D0 54 A 51 R 53 Γ)