Psalmi

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

ἀπὸ τῆς ταλαιπωρίας τῶν πτωχῶν καὶ ἀπὸ τοῦ στεναγμοῦ τῶν πενήτων

νῦν ἀναστήσομαι, λέγει Κύριος·

θήσομαι ἐν σωτηρίᾳ, παρησιάσομαι ἐν αὐτῷ.

224

[*](B)

τὰ λόγια Κυρίου λόγια ἁγνά,

ἀργύριον πεπυρωμένον, δοκίμιον τῇ γῇ,

κεκαθαρισμένον ἑπταπλασίως.

σύ, Κύριε, φυλάξεις ἡμᾶς,

καὶ διατηρήσεις ἡμᾶς ἀπὸ τῆς γενεᾶς ταύτης καὶ εἰς τὸν αἰῶνα.

κύκλῳ οἱ ἀσεβεῖς περιπατοῦσιν·

κατὰ τὸ ὕψος σου ἐπολυώρησας τοὺς υἱοὺς τῶν ἀνθρώπων.

Εἰς τὸ τέλος· ψαλμὸς τῷ Δαυείδ.

Ἕως πότε, Κύριε, ἐπιλήσῃ μου εἰς τέλος ;

ἕως πότε ἀποστρέψεις τὸ πρόσωπόν σου ἀπʼ ἐμοῦ ;

ἕως τίνος θήσομαι βουλὰς ἐν ψυχῇ μου,

ὀδύνας ἐν καρδίᾳ μου ἡμέρας ;

ἕως πότε ὑψωθήσεται ὁ ἐχθρός μου ἐπʼ ἐμέ ;

ἐπίβλεψον, εἰσάκουσόν μου, Κύριε ὁ θεός μου·

φώτισον τοὺς ὀφθαλμούς, μὴ ποτε ὑπνώσω εἰς θάνατον,

μή ποτε εἴπῃ ὁ ἐχθρός μου Ἴσχυσα πρὸς αὐτόν·

οἱ θλίβοντές με ἀγαλλιάσονται ἐὰν σαλευθῶ.

ἐγὼ δὲ ἐπὶ τῷ ἐλέει σου ἤλπισα·

ἀγαλλιάσεται ἡ καρδία μου ἐν τῷ σωτηρίῳ σου·

ᾄσω τῷ κυρίῳ τῷ εὐεργετήσαντί με,

καὶ ψαλῶ τῷ ὀνόματι Κυρίου τοῦ ὑψίστου.

Εἰς τὸ τέλος· φαλμὸς τῷ Δαυείδ.

Εἶπεν ἄφρων ἐν καρδίᾳ αὐτοῦ Οὐκ ἔστιν θεός.

διέφθειραν καὶ ἐβδελύχθησαν ἐν ἐπιτηδεύμασιν,

225

οὐκ ἔστιν ποιῶν χρηστότητα, οὐκ ἔστιν ἕως ἑνός.