Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. ἔδειμε πεντήκοντα σὺν ναυηγέταις.
  2. κρόκαι δὲ Μινυῶν εὐλιπῆ στελγίσματα
  3. τηροῦσιν, ἅλμης οὐδὲ φοιβάζει κλύδων
  4. οὐδʼ ὀμβρία σμήχουσα δηναιὸν νιφάς.
  5. ἄλλους δὲ θῖνες οἵ τε Ταυχείρων πέλας
  6. μύρμηκες αἰάζουσιν ἐκβεβρασμένους
  7. ἔρημον εἰς Ἄτλαντος οἰκητήριον
  8. θρυλιγμάτων δέρτροισι προσσεσηρότας·
  9. Μόψον Τιταιρώνειον ἔνθα ναυβάται
  10. θανόντα ταρχύσαντο, τυμβείαν δʼ ὑπὲρ
  11. κρηπῖδʼ ἀνεστήλωσαν Ἀργῷου δορὸς
  12. κλασθὲν πέτευρον, νερτέρων κειμήλιον,
  13. Αὔσιγδα Κινύφειος ᾗ τέγγων ῥόος
  14. νασμοῖς λιπαίνει, τῷ δὲ Νηρέως γόνῳ