Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. δελφῖνος ἀκτὶς Σειρία καθαυανεῖ.
  2. τάριχον ἐν μνίοις δὲ καὶ βρύοις σαπρὸν
  3. κρύψει κατοικτίσασα Νησαίας κάσις,
  4. δίσκου μεγίστου τάρροθος Κυναιθέως.
  5. τύμβος δὲ γείτων ὄρτυγος πετρουμένης
  6. τρέμων φυλάξει ῥόχθον Αἰγαίας ἁλός.
  7. τὴν Καστνίαν δὲ καὶ Μελιναίαν θεὸν
  8. λυπρὸς παρʼ Ἅιδην δεννάσει κακορροθῶν,
  9. ἥ μιν παλεύσει δυσλύτοις οἴστρου βρόχοις,
  10. ἔρωτας οὐκ ἔρωτας, ἀλλʼ Ἐρινύων
  11. πικρὰν ἀποψήλασα κηρουλκὸν πάγην.
  12. ἅπασα δʼ ἄλγη δέξεται κωκυμάτων,
  13. ὅσην Ἄρατθος ἐντὸς ἠδὲ δύσβατοι
  14. Λειβήθριαι σφίγγουσι Δωτίου πύλαι,